2017 جىلدىڭ 9 اقپان كۇنى استانا قالاسىندا قىزىلوردا وبلىسىنىڭ اكىمى قىرىمبەك كوشەرباەۆتىڭ قاتىسۋىمەن قر ينۆەستيتسيالار جانە دامۋ ءمينيسترى جەڭىس قاسىمبەك قىزىلوردا قالاسىنداعى ماڭىزدى نىسان - شىنى زاۋىتىنىڭ قۇرىلىسىن اياقتاۋ ماسەلەلەرىنە ارنالعان كەڭەيتىلگەن جيىن وتكىزدى.
وعان «بايتەرەك» ۇبح اق باسقارما توراعاسىنىڭ ورىنباسارى ايدار ءارىپحانوۆ, «قازاقستاننىڭ دامۋ بانكى» اق باسقارما توراعاسى بولات ءجامىشوۆ جانە قر قارجى مينيسترلىگىنىڭ مەملەكەتتىك كىرىستەر كوميتەتى ارداق تەڭگەباەۆ جانە ت.ب. قاتىستى.
كەڭەيتىلگەن جيىن قورىتىندىسى بويىنشا زاۋىت قۇرىلىسىن اعىمداعى جىلى كۇزدە اياقتاۋ تۋرالى ناقتى شارالار قابىلداندى.