الەم كۋبوگىندا الدابەرگەنوۆا ءمۇلت كەتتى

ۋنيۆەرسيادا چەمپيونى الدابەرگەنوۆا الەم كۋبوگىندا توعىزىنشى ورىنعا يە بولدى, دەپ حابارلايدى قازاقپارات. 10 اقپان كۇنى فريستايل-اكروباتيكا سپورتىنان كورەيانىڭ كاننىن قالاسىنداعى بۋگۆان فيونيكس پاركتا الەم كۋبوگىنىڭ كەزەڭى باستالعان بولاتىن. ۋنيۆەرسيادا ويىندارى اياقتالا سالىسىمەن الەم كۋبوگىنا اتتانعان فريستايل-اكروباتشىلارىمىز  دەمالماي جارىسقا قاتىسىپ كەتتى. سودان بولار, بۇل جولى الدابەرگەنوۆا ءبىز ويلاعان بيىكتى باعىندىرا المادى. ول 69,61 ۇپاي جيناپ, جالپى ەسەپتە توعىزىنشى ورىنعا يە بولدى. بۇل سىندا ءۇش بىردەي قىتاي سپورتشىلارى جەڭىسكە جەتتى. قالمۇرزاەۆا اقمارجان 15-ءشى (57,71), اراپباەۆا جىبەك 23-ءشى (37,12) جانە اقجىگىت مارجان 24-ءشى (32,76) ورىنداردان كورىندى. ەرلەر اراسىندا بەلارۋس سپورتشىسى جەڭىسكە جەتتى. قازاقستاندىقتار اراسىنان ليم دميتري 17-ءشى (82,53), بادرۋتدينوۆ يلدار 20-شى (80,32) جانە باعلان ىڭكاربەك 29-شى (57,64) ورىندارعا جايعاستى.