«قايرات» فۋتبول كلۋبىنىڭ بۇرىنعى ويىنشىسى اناتولي تيموششۋك رەسمي تۇردە فۋتبولشىلىق عۇمىرىن اياقتادى. بۇل تۋرالى eurosport.ru حابارلادى.
«فۋتبولشى رەتىندە جاڭا كوماندا ىزدەمەيمىن. مانسابىمدى اياقتاپ, جاڭا قىزمەتكە ورنالاسار الدىندا ازداپ ءۇزىلىس الۋ تۋرالى شەشىم قابىلدادىم. قازىر جاتتىقتىرۋشىلىق جۇمىس بويىنشا بىرنەشە ۇسىنىس ءتۇسىپ جاتىر. ەندى جاستارعا ءجون كورسەتىپ, جيناعان تاجىريبەلەرىممەن بولىسەمىن», – دەدى تيموششۋك.
ايتا كەتەيىك, مانسابىن 1995 جىلى لۋتسكىنىڭ «ۆولىن» كومانداسىنان باستاعان ول 1998 جىلى دونەتسكىنىڭ «شاحتەرىنە» اۋىسىپ كەلدى. بۇل كلۋبتا 2007 جىلعا دەيىن ويناپ, ءۇش مارتە ەل چەمپيونى اتانعان. ءدال وسى جىلى مانسابىن رەسەيدىڭ «زەنيت» كومانداسىندا جالعاستىردى. سانك-پەتەربۋرگ ۇجىمىمەن ەكى دۇركىن چەمپيون اتانسا, 2008 جىلى ۋەفا كۋبوگى مەن ۋەفا سۋپەركۋبوگىندا جەڭىسكە جەتكەن. 2009-2013 جىلدارى گەرمانيانىڭ «باۆاريا» كلۋبىندا ويناعان. بۋندەسليگانىڭ ەكى دۇركىن چەمپيونى اتانىپ, ءبىر رەت چەمپيوندار ليگاسىندا جەڭىسكە جەتكەن.
ال «قايرات» كلۋبىمەن 2015 جىلدىڭ شىلدە ايىندا كەلىسىمشارتقا وتىرادى. وسى ۋاقىت ارالىعىندا ەل كۋبوگى مەن سۋپەركۋبوگىنا قول جەتكىزگەن.