ەلوردادا قالا اكىمدىگىنىڭ باستاماسىمەن «بەلسەندى ازامات» كەڭ كولەمدى اكتسياسىنىڭ ەكىنشى كەزەڭى ءوتتى, وعان 2462 ادام قاتىستى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
ۇيىمداستىرۋشىلاردىڭ مالىمەتتەرىنە سايكەس, شارا بارىسىندا ازاماتتاردان ءتۇرلى سالالار بويىنشا 2500-دەن اسا اۋىزشا ءوتىنىش تۇسكەن, ال جازباشا وتىنىشتەردىڭ سانى 1702-گە جەتتى. كۇنى بويى قۇزىرلى قۇرىلىمدار مەن ۆەدومستۆولاردىڭ ماماندارى ەلوردالىقتاردى الاڭداتقان سۇراقتارعا جاۋاپ بەرىپ, شاعىمدار مەن وتىنىشتەرىن قابىلدادى, ءتۇرلى ماسەلەلەر بويىنشا كەڭەستەر بەردى. شارانىڭ ۇيىمداستىرۋشىلارى قويىلعان ساۋالداردىڭ دەنى تۇرعىن ءۇي, ۇلەستىك قۇرىلىس, جۇمىسپەن قامتۋ جانە جۇمىسقا ورنالاستىرۋ ماسەلەلەرىنە قاتىستى بولعانىن ايتادى.
ەسكە سالساق, حالىقپەن كەرى بايلانىستىڭ تيىمدىلىگىن ارتتىرۋعا باعىتتالعان «بەلسەندى ازامات» اكتسياسىنىڭ ءبىرىنشى كەزەڭى ۇستىمىزدەگى جىلدىڭ 26 قاڭتارىندا وتكىزىلگەن. شارانىڭ ەكىنشى كەزەڭىنىڭ قورىتىندىسى بويىنشا جۇرگىزىلگەن مونيتورينگكە سايكەس, حالىق تاراپىنان زور قىزىعۋشىلىق بايقالعان. سول سەبەپتى قالا بيلىگى اكتسيانى جۇيەلى نەگىزدە وتكىزىپ تۇرماق.