بۇگىن استانادا كاسىپكەرلەردىڭ جىل سايىنعى كونفەرەنتسياسى ءوتتى. شارا اياسىندا قالا اكىمى اسەت يسەكەشەۆ «اتامەكەن» قر ۇلتتىق كاسىپكەرلەر پالاتاسىنىڭ توراعاسى تيمۋر ق ۇلىباەۆپەن جانە قالانىڭ بيزنەس-قۇرىلىمدارىمەن كەزدەستى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
كونفەرەنتسيادا كاسىپكەرلىكتى دامىتۋدىڭ باستى باسىمدىقتارى تالقىلاندى, سونداي-اق, ەلوردا نارىعىنا اۋىل شارۋاشىلىق ونىمدەرىنىڭ تىكەلەي جەتكىزىلىمدەرىن ۇيىمداستىرۋ مۇمكىندىكتەرى جانە قالانىڭ بيزنەس ورتاسىن جەتىلدىرۋ جايى تالقىلاندى.
سونىمەن قاتار, ەلوردادا بيزنەستىڭ بارلىق سالالارىن ودان ءارى دامىتۋ, ءمجا جوبالارىن كەلىسۋ پروتسەدۋرالارىن بارىنشا وڭتايلاندىرۋ بويىنشا ۇكپ ۇسىنىستارى ايتىلدى.
جەر تەلىمدەرىن پايدالانۋ ماقساتىن, تۇرعىن ءۇي ەمەس نىسانداردىڭ فۋنكتسيونالدىق ارنالۋىن وزگەرتۋ, سالىقتى ۋاقىتىندا تولەۋشىلەردى ققس بويىنشا تىركەۋ ەسەبىنەن الىپ تاستاۋ, بيزنەس ءۇشىن شىعىنداردىڭ بارلىق تۇرلەرىن تومەندەتۋ, ەنەرگەتيكا, كولىك, لوگيستيكا, تكش قىزمەتتەرىنىڭ قۇنىن تومەندەتۋ ماسەلەلەرى قارالدى.
«ءبىز كوتەرمە-تاراتۋ ورتالىعىنا باسىمدىق بەرىپ وتىرمىز, جانە وڭتۇستىك وڭىرلەردىڭ فەرمەرلەرى ءۇشىن جانە ورتالىق ازيا ونىمدەرى ءۇشىن استانا بازارلارىنا قولجەتىمدىلىكتى قامتاماسىز ەتۋ ءۇشىن بىرنەشە كوتەرمە-تاراتۋ ورتالىعىن قۇرۋ جوسپارلانعان, ياعني, اۋىل شارۋاشىلىق ونىمدەرىنىڭ جەتكىزىلىمدەرى ءۇشىن بارلىق توسقاۋىلداردى الىپ تاستاۋ قاجەت. قالا اكىمدىگىندە بيىل ءمجا بويىنشا 34 جوبا جوسپارلانعان. 6 بالاباقشانىڭ قۇرىلىسى بويىنشا ينۆەستورلار اراسىندا بايقاۋ ءوتتى. جاتاقحانالاردىڭ قۇرىلىسى, جىلى ايالدامالاردى ورناتۋعا بازارلار جانە ت.س.س. ورتاشا نىساندار ءمجا بويىنشا باسەكەلەستىك ورتاعا بەرىلمەك. ءبىز كوپتەگەن مەملەكەتتىك قىزمەتتەردى اۋتسورسينگكە بەرۋگە ءازىرمىز, مىسالى, قار جيناۋ سياقتى جۇمىستاردى. قالاداعى كوپ شارۋانى جەكە ينۆەستيتسيا ەسەبىنەن ىسكە اسىرۋ كوزدەلىپ وتىر», – دەدى اسەت يسەكەشەۆ.