ەلوردانىڭ شاعىن اۋداندارىندا باستاپقى مەديتسينالىق-سانيتارلىق كومەك كورسەتەتىن 3 ورتالىق سالۋ جوسپارلانۋدا. بۇل تۋرالى قازاقپارات حابارلادى.
مالىمەتتەر بويىنشا قالالىق باسقارمانىڭ بيزنەس وكىلدەرىن دەنساۋلىق ساقتاۋ سالاسىنداعى مەملەكەتتىك-جەكەمەنشىك سەرىكتەستىك جوبالارىنا قاتىسۋعا شاقىراتىندىعى ايتىلعان.
«مىناداي 4 كونتسەسسيالىق جوبا ازىرلەندى: باستاپقى مەديتسينالىق-سانيتارلىق كومەك كورسەتەتىن 3 ورتالىقتى (جەلەزنودوروجنىي, كوكتال جانە ءوندىرىس) سالۋ جانە پايدالانۋعا بەرۋ, سونىمەن قاتار №1 ەمحانانى جاڭعىرتۋ. ەگەر سىزدە اتالعان اۋداندا مەديتسينالىق نىسان سالۋعا مۇمكىنشىلىك بولسا, وندا ءوزىڭىز جايىندا مالىمەت بەرىپ, جوباعا قاتىسا الاسىز», – دەيدى قالالىق دەنساۋلىق ساقتاۋ باسقارماسى بيزنەسمەندەرگە ارنالعان ۇندەۋىندە.