قر ينۆەستيتسيالار جانە دامۋ مينيسترلىگى ەنەرگوتيىمدى تەحنولوگيالاردى ەنگىزۋ ماقساتىندا شيپاجايلار مەن قوناقۇيلەردىڭ ەلەكتر ەنەرگيا جانە كوممۋنالدىق شىعىندارىن سۋبسيديالاۋدى ۇسىنۋدا, دەپ حابارلايدىقازاقستاننىڭ قوناقۇيلەر جانە مەيرامحانالار قاۋىمداستىعى.
ياعني, سۋبسيديا مەملەكەتتەن تەگىن بەرىلمەيدى, ول ءۇشىن كاسىپكەرلەر وزدەرىنىڭ نىساندارىندا قازىرگى زامانعا ساي ەلەكترۇنەمدەگىش يننوۆاتسيالىق تەحنولوگيالاردى ەنگىزۋى شارت.
«قاۋىمداستىققا شيپاجايلار مەن قوناقۇيلەردىڭ ەلەكتر ەنەرگياسى, كوممۋنالدىق قىزمەت شىعىندارىنىڭ ءبىر بولىگىن سۋبسيديالاۋ تۋرالى جانە قوناقۇي مەن شيپاجاي يەلەرىن ەنەرگواۋديت جۇرگىزۋگە جانە ەنەرگوتيىمدى تەحنولوگيالاردى ەنگىزۋگە ىنتالاندىرۋ تەتىكتەرىن جاساقتاۋ جونىندە قر ينۆەستيتسيالار جانە دامۋ مينيسترلىگىنەن حات كەلدى», - دەلىنگەن قاۋىمداستىقتىڭ حابارلاماسىندا.
سونىمەن قاتار حاتتا قر پرەزيدەنتىنىڭ ۇلت جوسپارىن ورىنداۋ بويىنشا «100 ناقتى قادام» باعدارلاماسىنىڭ 57 قادامىنا سىلتەمە جاسالعان. وندا قوناقۇيلەر مەن شيپاجايلاردىڭ ەلەكتر ەنەرگياسى مەن كوممۋنالدىق قىزمەت شىعىندارىن قارجىلاندىرۋ بويىنشا تاپسىرما بەرىلگەن بولاتىن.
قر يدم حابارلاۋىنشا, قازاقستاندا وسى باعىتتا زاڭناما اياسىندا كورسەتىلگەن ناقتى تەتىكتەر بولماعاندىقتان, سۋبسيديالاۋدى جۇزەگە اسىرۋ قيىندىققا سوعۋدا.
مينيسترلىك وكىلدەرىنىڭ اتاپ كورسەتكەنىندەي, ەگەر مەملەكەت قوناق ۇيلەر مەن شيپاجايلاردىڭ كوممۋنالدىق جانە ەلەكتر ەنەرگياسىنا كەتەتىن شىعىندارىن تىكەلەي سۋبسيديالايتىن بولسا, وندا كاسىپكەرلەردىڭ ەنەرگيانى ءتيىمسىز پايدالانۋىنا اكەپ سوقتىرۋى ىقتيمال. بۇل مەملەكەتتىڭ ەنەرگوۇنەمدەۋ جانە ەنەرگوتيىمدىلىكتى ارتتىرۋ ساياساتىنا قايشى كەلەدى.
«سوعان بايلانىستى مينيسترلىك اتالمىش سۇراقتى جەتەسىنە جەتكىزىپ, دۇرىس جولعا قويۋدى جوسپارلاۋدا. بالاما رەتىندە قوناقۇي مەن شيپاجاي يەلەرىن ەنەرگواۋديت جۇرگىزۋگە جانە ەنەرگوتيىمدى تەحنولوگيالاردى ەنگىزۋگە ىنتالاندىرۋ تەتىكتەرىن ەنگىزۋ جايى تالقىلانۋدا», - دەلىنگەن حابارلامادا.