قالدىق تاستاپ, قاشىپ كەتەتىندەر ەندى جالتارا المايتىن بولدى. وسكەمەن قالاسى قالدىقتاردى عارىش ارقىلى باقىلايتىن قاناتقاقتى جوباعا قاتىسىپ جاتىر. قازىرگى ۋاقىتتا وبلىستىق ەكولوگيا دەپارتامەنتىندە عارىشتىق اقپاراتتارمەن جۇمىس ىستەيتىن ارنايى ءبولىم دە قۇرىلىپ ۇلگەرگەن.
-ءبىز ءتيىستى اۋماقتى بەلگىلەپ, ۇسىنىم جىبەرەمىز. ءتورت-بەس كۇننىڭ ىشىندە قالدىقتاردىڭ ورنالاسقان جەرى مەن كولەمى كورسەتىلگەن سۋرەتتى الامىز. ءتىپتى, قالدىقتاردىڭ قۇرامى مەن قانشا ۋاقىتتان بەرى جاتقانىن بىلۋگە دە مۇمكىندىك بار, - دەيدى اتالعان دەپارتامەنتتىڭ ەكولوگيالىق باقىلاۋ ءبولىمىنىڭ جەتەكشى مامانى راۋان مۇساەۆا.
عارىشتىق باقىلاۋ ارقىلى قالانىڭ ءىشى مەن شاھاردان 20 شاقىرىم اۋماقتاعى جەرلەردى دە سۋرەتكە تۇسىرۋگە بولادى. وسى مالىمەتتەر نەگىزىندە دەپارتامەنت قىزمەتكەرلەرى تەكسەرىس جۇرگىزىپ, ءتيىستى ورىندارعا شاعىم تۇسىرە الادى.
وبلىس ەكولوگتارى بۇل جوبانىڭ الداعى ۋاقىتتا بەي-بەرەكەت تاستالعان قالدىقتاردى عانا ەمەس, زاڭسىز سالىنعان قۇرىلىستار مەن اعاش كەسۋشىلەردى انىقتاۋعا دا مۇمكىندىك بەرەتىنىنە سەنىمدى. دەپارتامەنت ماماندارى عارىشتىق تۇسىرىلىمدەردى جاز ايلارىنان باستاپ قولدانىسقا ەنگىزۋدى جوسپارلاپ وتىر.
ازامات قاسىم,
«ەگەمەن قازاقستان»
وسكەمەن