كوكشەتاۋ قالاسىندا جاڭا فۋتبول ستاديونى سالىناتىن بولدى. بۇل تۋرالى «وقجەتپەس» كلۋبىنىڭ ديرەكتورى نيكولاي پانين مالىمدەدى, دەپ حابارلادى vesti.kz.
«ستاديوننىڭ جوباسى بار. وسى جىلدان باستاپ كوكشەتاۋ قالاسىنىڭ يۋبيلەينىي اۋدانىندا ستاديوننىڭ قۇرىلىسى باستالادى. قازىر ستاديوندى سوعۋعا قانشا اقشا كەتەتىنىن ءدال ايتا المايمىن. ستاديون سەگىز مىڭ جانكۇيەرگە ارنالىپ, كوپا وزەنىنىڭ جاعاسىندا ورنالاسادى. ول جەردىڭ توپىراعى قاتتى. سوندىقتان جاساندى كوگال توسەلەدى», – دەدى پانين.
قازىرگى ۋاقىتتا «وقجەتپەستىڭ» بيىلعى ماۋسىمدى قايدا باستايتىنى بەلگىسىز بولىپ تۇر. ەگەر ناۋرىزدا «استانا-ارەنا» ستاديونىنىڭ كوگالىن وزگەرتەتىن بولسا, كوكشەتاۋلىق كوماندا پرەمەر-ليگاداعى ويىندارىن ششۋچينسك قالاسىنداعى «جاقسى» بازاسىندا وتكىزۋى مۇمكىن.