اقش پرەزيدەنتى دونالد ترامپ قحر توراعاسى سي تسزينپينگە ء"بىر قىتاي" ساياساتىنا قۇرمەتپەن قارايتىنىن ايتتى, دەپ جازادى اق ءۇيدىڭ ءباسپاسوز قىزمەتى. بۇل تۋرالى BBC حابارلايدى.
"پرەزيدەنت ترامپ سي ءتسزينپيننىڭ ء"بىر قىتاي" ساياساتىنا قۇرمەتپەن قاراۋ تۋرالى حاتىنا وڭ جاۋاپ بەردى", - دەلىنگەن مەملەكەت باسشىلارى اراسىنداعى تەلەفون اڭگىمەسى تۋرالى ءباسپاسوز حابارلاماسىندا.
سايلاۋ ناۋقانى كەزىندە دونالد ترامپتىڭ تايۆان باسشىسى تساي ينۆەنمەن تىكەلەي سويلەسكەنى قىتايدىڭ نارازىلىعىنا ۇشىراعان بولاتىن. جانە اقش-تىڭ تايۆاندى تاۋەلسىز مەملەكەت دەپ تانىماۋ ساياساتى قايتا قارالۋى مۇمكىن ەكەنىن ايتقان-دى. پەكين اق ۇيدەن"بىر قىتاي" ساياساتىنا قۇرمەتپەن قاراۋدى تالاپ ەتكەن ەدى.
ءباسپاسوز حابارلاماسىنا قاراعاندا, ەكى ليدەر اراسىندا وتە جىلى اڭگىمە بولعان. اقش پەن قىتاي باسشىلارى ءبىر ءبىرىن ساپارمەن كەلۋگە شاقىرعان.