2016 جىلى «قاراشىعاناق پەتروليۋم وپەرەيتينگ ب.ۆ.» 139,7 ميلليون باررەل مۇناي بالاماسىندا تۇراقتى جانە تۇراقتى ەمەس سۇيىق كومىرسۋتەگى, تازارتىلماعان گاز جانە وتىن گازىن ءوندىردى. بۇل تۋرالى كپو ءباسپاسوز قىزمەتى حابارلادى. پلاستتىق قىسىمدى قولداۋ ءۇشىن گازدى كەرى ايداۋ كولەمى 8,04 ميلليارد تەكشە مەتردى قۇرادى, بۇل شامامەن وندىرىلگەن گازدىڭ جالپى كولەمىنىڭ 46%-ىنا سايكەس كەلەدى.
كپو باس ديرەكتورى رەناتو مارولي اتاپ وتكەندەي, قر-دا ءىرى ينۆەستيتسيالىق جوبالاردىڭ ءبىرى بولىپ تابىلاتىن قاراشىعاناق جوباسىنىڭ باتىس قازاقستان جانە تۇتاستاي بارشا ەل ەكونوميكاسى ءۇشىن ءبىرىنشى دارەجەلى ءمانى بار. بۇگىندە قاراشىعاناقتى يگەرۋگە كپو بويىنشا ارىپتەستەر 22 ميلليارد اقش دوللارىن ينۆەستيتسيالادى. قاراشىعاناق قازاقستانداعى كەن ورىندارىن پايدالانۋ تۇرعىسىنان ءىرى جانە كۇردەلىلەردىڭ ءبىرى بولىپ تابىلادى. قازىرگى ۋاقىتتا قاراشىعاناق كەن ورنىندا 119 وندىرەتىن, 17 ايداۋ ۇڭعىمالارى پايدالانۋدا, جالپى قوردا 412 ۇڭعىما بار.
2016 جىلعى 13 مامىردا كپو كومپانيا تاريحىندا ماڭىزدى مەجە قوياتىن اۋقىمدى جوسپارلى-الدىن الۋ جوندەۋ جۇمىستارىن اياقتادى. جوندەۋ كومپانياعا ءوندىرىستىڭ جىلدىق دەڭگەيىن ەداۋىر ارتتىرۋعا مۇمكىندىك بەردى. دايىندىق جانە نەگىزگى جۇمىستارعا بارلىعى 3300-گە جۋىق جۇمىسشى جۇمىلدىرىلدى. 2016 جىلى كپو-دا گازدى قولدانۋ دەڭگەيى 99,84%-دى قۇرادى, بۇل الەمدىك سىنىپ كورسەتكىشى بولىپ تابىلادى.