ورتالىق كوممۋنيكاتسيالار قىزمەتىندە ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى توراعاسىنىڭ ورىنباسارى رۇستەم احمەتوۆ «سك-فارماتسيا» جشس-ءتىڭ مونوپولياعا قارسى زاڭنامانى بۇزعانىنا قاتىستى تۇسىنىك بەردى.
–جاقىندا ەلىمىزدىڭ مونوپولياعا قارسى ورگانى «سك-فارماتسيا» جشس-نىڭ مونوپوليالىق جاعدايدى تەرىس پايدالانعانىن اڭىقتادى. بۇل كومپانيا تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتاردى ساتىپ الۋ جانە حالىقتى دارىمەن قامتاماسىز ەتۋ بويىنشا بىرىڭعاي ديستريبيۋتورى بولىپ سانالادى. 2010-2015 جىلدار ارالىعى كەزەڭىندە «سك-فارماتسيا» جشس دارىلىك زاتتاردى ساقتاۋ جانە تاسىمالداۋ جونىندەگى كورسەتىلەتىن قىزمەتتەردىڭ ساتىپ الىنۋىن بىرىڭعاي لوتپەن زاڭسىز ساتىپ العانى اڭىقتالدى. وسىعان بايلانىستى سوت كومپانياعا 1,3 ملرد. تەڭگە اكىمشىلىك ايىپپۇل سالدى, – دەدى ول.