اقتاۋ قالاسىنىڭ تەڭىز جاعاسىندا ورنالاسۋى تۋريزم سالاسىندا مول مۇمكىندىكتەرگە جول اشادى. اسىرەسە, جەر كورىپ, ەل تانۋ ماقساتىندا تۋريستىك ساپارمەن كەلگەندەرگە ساپالى سەرۆيستىك قىزمەتتەرمەن بىرگە, ءوز ەلىمىزدى, جەرىمىزدى جاقسى جاعىنان كورسەتە ءبىلۋ دە باستى ماقسات.
اقتاۋدا اۋا تولتىرىلعان شارمەن ساياحاتتاۋ جوباسى جاساقتالۋدا. جوبانىڭ تۇڭعىش قوناقتارى العاش رەت شارمەن اۋەگە كوتەرىلىپ, اقتاۋ مەن كوك تەڭىزدى بيىكتەن تاماشالاپ كوردى. 900 مەتر بيىكتىككە كوتەرىلە الاتىن شاردىڭ كارزەڭكەسىنە ۇشقىش-باسقارۋشىنى قوسقاندا 5 ادام سىيادى.
جوبانى قولعا العان جاستار توبى ءوز باستامالارىنىڭ تۇرعىندار ءۇشىن قالانى دامىتا ءتۇسۋدىڭ ءبىر باعىتى ەكەنىن, بۇل كاسىپتى اشۋ ءۇشىن كوپ ويلانىپ بارىپ ورتاق شەشىمگە كەلگەندەرىن ايتادى. قازىر وزدەرىنىڭ شەبەرلىكتەرىن شىڭداپ جۇرگەن جاستار سىناقتار وتكىزۋدە.
جاڭا باستاماعا جۇمىلا كىرىسكەن جاستار ءوز جۇمىستارىنىڭ جۇرتشىلىققا ۇنايتىنىنا سەنىمدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى