قازاقستان پرەزيدەنتى نۇرسۇلتان نازارباەۆتىڭ ءداستۇرلى جولداۋلارىمەن تانىسقاندا مەن ولاردا قازاقستاننىڭ ۇلتتىق جانە قاۋىپسىزدىك مۇددەلەرىنىڭ ەسكەرىلىپ, دۇرىس باعدارلانعان دامۋ ستراتەگياسىنا سونشالىقتى سايكەس كەلەتىنىنە نازار اۋدارامىن. سوڭعى جولداۋى دا اۋقىمدى ەكونوميكالىق مازمۇندى قامتي وتىرىپ, ناقتىلى ۇزاق مەرزىمدى پەرسپەكتيۆالارعا يەك ارتىپ, ەلدىڭ حالىقارالىق ارەناداعى باسەكەلەستىككە قابىلەتتىگىنىڭ سىزبالارىن كەزەكتى, ءۇشىنشى جاڭعىرۋ ارقىلى تولىق قامتىعان. جالپى, جولداۋدا پرەزيدەنت قازاقستاننىڭ باسەكەگە قابىلەتتىلىگىن ارتتىراتىن ءۇشىنشى مودەلىن جاساۋدى كوزدەيدى.
وسىعان بايلانىستى پرەزيدەنت ۇكىمەتكە ناقتى مىندەتتەر جۇكتەپ, العا قويىلعان ماقساتتاردى ىسكە اسىراتىن تەتىكتەردىڭ جوسپارلارىن ازىرلەۋدى تاپسىردى.
بۇگىنگى قازاقستان – تاۋەلسىزدىگى بەرىك قالىپتاسىپ, ءبىرىنشى جانە ەكىنشى جاڭعىرۋلاردى تابىسپەن ىسكە اسىرىپ, الەمدىك ەكونوميكانىڭ باسەكەگە بارىنشا قابىلەتتى 50 ەلىنىڭ قاتارىنا ەنىپ, ەندى جوعارى دامىعان 30 مەملەكەتتىڭ قاتارىنا كىرۋدى كوزدەپ وتىرعان ەل بولعاندىقتان, مۇنداي ماقساتتى العا قويۋعا تولىق قاقىسى بار دەپ سانايمىن. جولداۋدىڭ وزىندە ءۇشىنشى جاڭعىرۋ – اعىمداعى جاھاندىق قاتەرلەرگە قارسى تۇرۋدىڭ جوسپارى عانا ەمەس, ستراتەگيا-2050-ءدى «100 ناقتى قادام» ۇلت جوسپارىنىڭ نەگىزىندە ىسكە اسىراتىن سەنىمدى كوپىر دەپ اتالعان. ايتا كەتەتىن بولساق, پرەزيدەنت ەلدىڭ الدىنا بەس باسىمدىقتى قويدى, ولار: ەكونوميكانى تەحنولوگيالىق تۇرعىدان جەدەل جاڭعىرتۋ; بيزنەس-ورتانى تۇبەگەيلى جاقسارتۋ جانە كەڭىتۋ; ماكروەكونوميكالىق تۇراقتىلىق; ادامي كاپيتالدىڭ ساپاسىن ارتتىرۋ; ينستيتۋتتىق قايتا قۇرۋ, قاۋىپسىزدىك جانە سىبايلاس جەمقورلىقپەن كۇرەس.
وسى باسىمدىقتاردىڭ ارقايسىسى ءوزىنىڭ قۇرىلىسى, مازمۇنى جانە ماقساتتى ۇستانىمى جاعىنان قازاقستاننىڭ مۇددەسىن عانا كوزدەمەي, ول ستراتەگيالىق باعدارلاردى تاڭداۋ مەن ويلانۋ پوزيتسياسىنان العاندا, تۋىسقان وزبەكستاندا دا قىزىعۋشىلىق تۋدىرادى. ەشقانداي كۇدىكسىز ونى ەلدىڭ ساياساتى مەن ەكونوميكالىق باعىتىن ايقىنداۋداعى جاڭا ىرگەلى قۇجات دەپ ساناۋعا بولادى. ستراتەگيالىق دامۋدىڭ جاڭا كەزەڭىنە ءوتۋدى حالىققا ارناعان جولداۋىندا كورسەتۋ – دانا ءارى بولاشاقتى تەرەڭ بولجايتىن نۇرسۇلتان نازارباەۆ سياقتى مەملەكەت قايراتكەرىنە ءتان.
قورىتا ايتقاندا, مۇنى – قازاقستاننىڭ جاڭا جارقىن بولاشاققا جەتۋىن كوزدەگەن ايرىقشا تاريحي قۇجات دەپ باعالاۋعا بولادى.
شاۆحات اريفحانوۆ,
وزبەكستان رەسپۋبليكاسى پرەزيدەنتىنىڭ جانىنداعى مەملەكەتتىك قۇرىلىس اكادەمياسىنىڭ پروفەسسورى,
ەكونوميكا عىلىمدارىنىڭ دوكتورى