قازاقستان رەسپۋبليكاسى پارلامەنتى ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چجان حانحۋەيمەن كەزدەستى.
ديپلوماتتى قارسى العان پارلامەنتشى مەيماندى قىتايدىڭ جاڭا جىلىمەن قۇتتىقتاپ, ەلشىگە ىزگى تىلەكتەر ءبىلدىردى.
قىتاي حالىق رەسپۋبليكاسىمەن اراداعى جان-جاقتى ىنتىماقتاستىق بايلانىستارعا ايرىقشا نازار اۋداراتىنىن اتاپ ءوتتى. 2017 جىلى ەكى مەملەكەت اراسىنداعى دوستىق بايلانىستارعا شيرەك عاسىر بولاتىنى ايتىلدى. وسى جىلدار اراسىندا بارلىق باعىتتا, اسىرەسە, ەكونوميكا مەن ساياسي بايلانىستار وركەندەپ, قىتاي قازاقستاننىڭ ستراتەگيالىق سەرىكتەسىنە اينالدى.
كەزدەسۋدە ەكى ەل پارلامەنتتەرى بايلانىستارىنىڭ ءوزارا ۇنقاتىسۋىنىڭ ماڭىزى دا ايتىلدى.
ەلشى قازاقستاندا جاسالىپ جاتقان جاڭعىرتۋلار مەن رەفورمالاردى قولدايتىنىن ءبىلدىردى. ەكونوميكالىق جاعداي مەن تىرشىلىگى تۇراقتى, اسپانى بەيبىت, گۇلدەنگەن قازاقستان الەم الدىندا ءوز ورنى بار, ونى قىتايدىڭ باعالايتىنىنا توقتالدى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.