استانا قالاسى دەنساۋلىق ساقتاۋ باسقارماسى تۇماۋ مەن جرۆي-ءدىڭ ەكىنشى تولقىنىنا بايلانىستى تۇرعىندارعا دايىن بولۋدى ەسكەرتتى. بۇل تۋرالى فەيسبۋكتەگى پاراقشاسىندا حابارلادى.
«جرۆي اۋرۋىنا شالدىققان ادامدارمەن كوپ ارالاسقان جاعدايدا ارنايى مەديتسينالىق ماسكانى تاعۋدى ۇمىتپاۋ قاجەت. جىلى بولمەدە كوپ بولعان كەزدە مۇرىن قۋىسىن ىلعالدى ورامالمەن ءسۇرتۋ كەرەك. ەپيدەميا كەزىندە دالاعا شىعار كەزدە مۇرىنعا وكسولين مايىن جاعۋدى دا ەستە ساقتاڭىزدار. سونىمەن قاتار, ايازدى كەزەڭ باستالماي تۇرىپ, ءبىر اي بۇرىن تۇماۋعا قارسى ەكپە جاساتۋ ۇسىنىلادى», – دەلىنگەن حابارلامادا.