مەملەكەت باسشىسى نۇرسۇلتان نازارباەۆ مادەنيەت جانە سپورت ءمينيسترى ارىستان مۇحامەدي ۇلىن قابىلدادى. بۇل تۋرالى اقوردانىڭ رەسمي سايتى حابارلادى. كەزدەسۋ بارىسىندا مينيستر ەلباسىعا الماتىدا وتكەن قىسقى ۋنيۆەرسيادا بويىنشا ەسەپ بەردى.
- قازاقستان ۋنيۆەرسيادانى لايىقتى دەڭگەيدە وتكىزدى. جارىستاردا جاقسى ناتيجە كورسەتكەن ءبىزدىڭ سپورتشىلار جاس بۋىنعا ۇلگى كورسەتتى, - دەدى نۇرسۇلتان نازارباەۆ.
مينيستر مەملەكەت باسشىسىنا بۇقارالىق سپورتتى ودان ءارى دامىتۋ شارالارى تۋرالى اڭگىمەلەدى.
-قازىرگى ۋاقىتتا مينيسترلىك جاپونيادا وتەتىن ازياداعا جانە 2018 جىلى كورەيا رەسپۋبليكاسىندا وتەتىن جازعى وليمپياداعا دايىندالۋ ۇستىندە, - دەدى ارىستانبەك مۇحامەدي ۇلى.
پرەزيدەنت كلاسسيكالىق ونەردى, كينونى دامىتۋ جانە جاس دارىندارعا قولداۋ كورسەتۋ كەرەكتىگىن ايتتى. سونىمەن قاتار مينيسترگە بىرنەشە تاپسىرما بەردى.