قىتايداعى «I am a singer» xالىقارالىق بايقاۋىنا قاتىسىپ جۇرگەن قازاقستاندىق ءانشى ديماش قۇدايبەرگەن اقش-تىڭ «The Voice» كونكۋرسىنا قاتىساتىنى ازىرگە بەلگىسىز. بۇل تۋرالى ونىڭ PR-ديرەكتورى ءارى دوسى الپامىس ءشارىموۆ مالىمدەدى, دەپ حابارلادى قازاقپارات.
«امەريكادان شاقىرتۋ تەك بيىل عانا ەمەس بىلتىر دا تۇسكەن. سونىمەن قاتار, الەمدىك دەڭگەيدەگى بىرنەشە كونكۋرستاردان دا ۇسىنىس بار. بىراق وزدەرىڭىز بىلەتىندەي, قازىر ۋاقىتىمىز بولماي جاتىر. قىتايداعى كونكۋرستىڭ نەبارى ءتورت كەزەڭىنەن وتتىك, الدا ءالى ون تۋر بار. وسىعان دايىندالىپ جۇرگەندىكتەن ناقتى كەلىسىمدى بەرە المايمىز», – دەدى ءشارىموۆ.