جەزقازعان قالاسى مەن ۇلىتاۋ اۋدانى تۇرعىندارى جەزقازعاندى بولەك وبلىس رەتىندە قايتا قۇرۋدى سۇراپ قر پرەزيدەنتى نۇرسۇلتان نازارباەۆتىڭ اتىنا حات جولدادى, دەپ جازادى krisha.kz.
تۇرعىنداردىڭ ايتۋىنشا, وبلىس ورتالىعىنا شالعاي بولعاندىقتان جەزقازعان ءوڭىرىنىڭ الەۋمەتتىك دامۋى كەنجە قالىپ بارا جاتىر. سونىمەن قاتار, قالاعا جاڭا ۇيلەر سالىنباي, كسرو كەزىنەن قالعان ينفراقۇرىلىم جاڭارتىلماي, ونىڭ ورنىنا كاسىپكەرلەردىڭ ساۋدا ورىندارى قاپتاپ كەتكەن.
تۇرعىندار جەزقازعان بۇلاي كەتە بەرسە ارقالىقتىڭ كەيپىن كيەدى دەپ قورقادى.
ەلباسىنا جولدانعان حاتتىڭ ءۇزىندىسى تومەندەگىشە:
«جەزقازعان ءوڭىرىنىڭ بولاشاعىنا الاڭدايمىز. كوپشىلىك تۇرعىندار بالالارىن قاراعاندى مەن استانا سەكىلدى ءىرى قالالارعا وقۋعا جىبەرەدى. كاسىپكەرلەر جەزقازعاننىڭ دامۋىنا ۇلەس قوسۋعا ق ۇلىقسىز. قاراعاندى مەن استانادان جىلجىمايتىن م ۇلىك ساتىپ الادى. ءوڭىردىڭ ادامدارى جاپپاي كەتىپ جاتىر. ەندى ولاردىڭ قايتا ورالۋى مۇمكىن ەمەس...» دەلىنگەن حاتتا.
1997 جىلى قاراعاندى وبلىسىنا قوسىلعاننان كەيىن جەزقازعان مىسىنىڭ قارجىسى قاراعاندىنى گۇدەندىرۋگە جۇمسالۋدا. سونىمەن قاتار, سالىق پەن ينۆەستيتسيانى دا قاراعاندى باسقارادى.
قالانى بولەك وبلىس رەتىندە قۇرۋ ءۇشىن جەرگىلىكتى حالىق قازىر پەتيتسياعا قول جيناپ جاتىر.