شىعىس قازاقستانداعى الپاۋىت كاسىپورىنداردىڭ ءبىرى «قازتسينك» جشس مەن كومپانيا قىزمەتكەرلەرى قاراعاندى وبلىسىنىڭ شاحتينسك قالاسىنىڭ شاحان كەنتىندە ورىن العان توتەنشە جاعداي كەزىندە زارداپ شەككەندەرگە كومەك كورسەتۋ ماقساتىندا قۇرىلعان قايىرىمدىلىق قورعا 15 ميلليون تەڭگە كولەمىندە قارجى اۋداردى.
ەستەرىڭىزگە سالا كەتەيىك, جىل باسىندا شاحان كەنتىندەگى كوپقاباتتى تۇرعىن ۇيلەردىڭ بىرىندە قازاندىق جارىلىپ, ءبىر پودەزد تولىعىمەن جارامسىز بولىپ, كوپتەگەن وتباسىلار ءۇيسىز-كۇيسىز قالعان ەدى.
قايىرىمدىلىق قورىنا كومەك كورسەتۋگە نيەتتى كەز كەلگەن ادام قارجى اۋدارا الادى. قور جينالعان قارجىعا ءۇيسىز قالعان شاحاندىقتارعا باسپانا الىپ بەرۋدى جوسپارلاپ وتىر.
ازامات قاسىم,
«ەگەمەن قازاقستان»
وسكەمەن