«قتج» ۇك» اق باسشىسى قانات الپىسباەۆ يراندا بولعان ساپارىندا «KTZ Express» اق («قتج» ۇك» اق ەنشىلەس كاسىپورنى) پەن «Islamic Republic of Iran Shipping Lines (IRISL)» كومپانياسى اراسىندا قازاقستاننىڭ يرانداعى توتەنشە جانە وكىلەتتى ەلشىسى ب. امىرەەۆتىڭ قاتىسۋىمەن بىرلەسكەن كاسىپورىن قۇرۋدىڭ ماڭىزدىلىعىنا وراي قۇرىلتايشىلىق كەلىسىمدى تولىقتىردى, دەپ حابارلايدى "سامۇرىق-قازىنانىڭ" رەسمي سايتى.
ايتا كەتەرلىگى, 2016 جىلى 22 جەلتوقساندا يران يسلام رەسپۋبليكاسىنىڭ پرەزيدەنتى ح. ءرۋحانيدىڭ قازاقستانعا ساپارى بارىسىندا «KTZ Express» اق مەن يراننىڭ IRISL كومپانياسى اراسىندا بىرلەسكەن كاسىپورىن قۇرۋى جونىندەگى قۇرىلتايشىلىق كەلىسىمگە قول قويىلعان بولاتىن.
بىرلەسكەن كاسىپورىندى 2017 جىلعى ناۋرىزدا ىسكە قوسۋ جوسپارلانىپ وتىر. باستاپقى كەزدە كولىكتىك-لوگيستيكالىق قىزمەت كورسەتىلەدى. سونىمەن قاتار, بەندەر-ابباس پورتىندا بىرلەسكەن تەرمينال قۇرىلىسى بيىلعى جىلدىڭ ءتورتىنشى توقسانىندا باستالماق.
قولايلى كولىكتىك-لوگيستيكالىق ينفراقۇرىلىمدى دامىتۋ يران مەن قازاقستان اراسىنداعى كولىكتىك- لوگيستيكالىق قىزمەت تيىمدىلىگىن كوتەرىپ قانا قويمايدى, تمد ەلدەرى, كاسپي تەڭىزى پورتتارىنىڭ جانە باسقا دا ماڭىزدى باعدارلاردىڭ بىرگە دامۋىنا ىقپال ەتەدى. بەندەر- ابباس پورتىندا ينفراقۇرىلىم جاساقتاۋ پارسى شىعاناعى ەلدەرى مەن ينديا جانە افريكا پورتتارىنا جول اشادى.
بولاشاقتا ينچەبۋرۋن ستانتسياسى مەن اقتاۋ پورتىندا تەرمينالدىق الەۋەتىن دامىتا ءتۇسۋ كوزدەلىپ وتىر.