ەلوردا ەكولوگياسىنا تەرىس انتروپوگەندىك اسەردى ازايتۋ ماقساتىندا قورشاعان ورتانىڭ جاعدايىنا مونيتورينگ جۇرگىزۋدىڭ كەشەندى جۇيەسى قۇرىلۋدا, كوممۋنالدىق اۆتوكولىك قۇرالدارى گاز-موتور وتىنىنا كوشىرىلۋدە, دەپ ءمالىم ەتتى قالا اكىمى اسەت يسەكەشەۆ سارسەنبى كۇنى ەلوردانى ورنىقتى دامىتۋ بويىنشا كەڭەستىڭ وتىرىسىندا. بۇل تۋرالى اكىمدىكتىڭ مەديا-رەسۋرسى Elorda Aqparat حابارلايدى.
«قوقىس وڭدەۋ سالاسىن جاڭعىرتۋ جانە وڭدەۋ تەرەڭدىگىن ۇلعايتۋ جۇمىستارى شەڭبەرىندە زاماناۋي تەحنولوگيالاردى ەندىرۋ جانە قتق وڭدەۋ باعدارلاماسىنا حالىقارالىق كونسۋلتانتتاردى تارتۋ ارقىلى قوقىستاردى باسقارۋدىڭ ينتەگراتسيالانعان جۇيەسىن قۇرۋ قاراستىرىلعان», - دەپ حابارلادى اسەت يسەكەشەۆ.