9 اقپان كۇنى ەلدىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى كەي جەرلەردە قار جاۋادى, جەكەلەگەن ايماقتاردا جاۋىن-شاشىن قاتتى بولادى, تۇمان, كوكتايعاق, بۇرقاسىن بولىپ, جەل كۇشەيەدى.
«قازگيدرومەت» رمك-نىڭ حابارلاۋىنشا, اقمولا وبلىسىنىڭ كەي جەرلەرىندە بۇرقاسىن كۇتىلەدى, تۇمان ءتۇسىپ, 15-20 م/س كۇشپەن سوققان جەلدىڭ ەكپىنى كۇندىز 23 م/س جەتۋى ىقتيمال. الماتى وبلىسىنىڭ جالاڭاشكول اۋدانىندا تۇندە 17-22 م/س ەكپىندەگى جەل 25 م/س كۇشەيۋى مۇمكىن.
جامبىل وبلىسىنىڭ كەي جەرلەرىندە بۇرقاسىن, تۇمان, كوكتايعاق بولادى, 15-20 م/س جىلدامدىقپەن سوققان جەل 23-28 م/س كۇشەيەدى, وبلىستىڭ وڭتۇستىك-باتىسىندا ونىڭ ەكپىنى 30 م/س اسادى. وڭتۇستىك قازاقستان وبلىسىنىڭ كەي جەرلەرىندە تۇمان, كوكتايعاق كۇتىلەدى, كۇندىز ءوڭىردىڭ باسىم بولىگىندە 15-20 م/س كۇشپەن جەل سوعادى, تۇندە ونىڭ ەكپىنى 23 م/س ارتادى. تۇندە
قىزىلوردا وبلىسىنىڭ كەي اۋماقتارىندا جەل 15-20 م/س كۇشەيەدى. قوستاناي وبلىسىنىڭ باسىم بولىگىندە بۇرقاسىن كۇتىلەدى, كەي جەرلەرىندە جەل 15-20 م/س ارتادى.
سولتۇستىك قازاقستان وبلىستارىنىڭ جەكەلەگەن جەرلەرىندە بۇرقاسىن سوعىپ, جەل 15-20 م/س كۇشەيەدى.
پاۆلودار وبلىسىنىڭ كەي بولىكتەرىندە بۇرقاسىن كۇتىلەدى, كۇندىز باسىم اۋماقتا 15-20 م/س ەكپىندە جەل تۇرادى, ونىڭ جىلدامدىعى كەي جەرلەردە 25 م/س جەتۋى ىقتيمال.
قاراعاندى وبلىسىنىڭ جەكەلەگەن جەرلەرىندە بۇرقاسىن, تۇمان بولجانادى, كۇندىز باسىم بولىگىندە 15-20 م/س كۇشپەن جەل سوعادى, ونىڭ ەكپىنى كەي جەرلەردە 23-28 م/س, 30 م/س-قا ارتادى. شىعىس قازاقستان وبلىسىنىڭ كەي جەرلەرىندە بۇرقاسىن, تۇمان كۇتىلەدى, جەلدىڭ ەكپىنى 25 م/س جەتەدى.