تاۋەلسىزدىك جەڭىسى ۇلى مۇرا,
جاستار عوي ازىق بولار عۇمىرىنا,
ءسۇيىنشى, قازاق ەلى, تاعى جەڭىس,
تاعى دا ءمىندى جەڭىس تۇعىرىنا.
كۇن سايىن بەيبىت ءومىر توكتى رەڭىن,
سپورتتىق الەمىمىز كوك تىرەدىڭ,
ءبارى دە ەلباسىنىڭ ارقاسىندا,
كەمەڭگەر كورەگەندىك دەپ بىلەمىن.
وتانعا وسى كەرەك, جاستارعا ەرتەڭ,
جەتەدى الاتاۋداي اسقارعا ەرتەڭ,
جەڭىسپەن التىنداردى جاۋدىرعان كۇن,
قازاعىم بۇگىنىنەن باستار ما ەكەن!
شوقتاي مازداپ جانادى دالام وتى,
جان-جاقتان جەلبىرەيدى جالاۋ وتى,
بۇل دا ءبىر تاۋەلسىز ەل جەڭىسى عوي,
الاتاۋ قۇشاعىندا الاۋ وتى!
ۋنيۆەرسيادا الاۋى – ءورىسىمىز,
وسىعان كەلىستىك پە, كەلىسىڭىز.
تاۋەلسىز ۇلى دالا – قازاق ەلى,
باستالدى سان عاسىرلىق جەڭىسىمىز!
جەڭىسپەن ءوز تاريحىن جازادى ەرى,
ۇلتجاندى ۇلاعاتى عاجاپ ەدى.
باياندى بوپ جالعاسسىن سان عاسىرلار,
تۇعىرىڭ قۇتتى بولسىن قازاق ەلى!
قۇشاقتاسىپ دوستارداي كورىسپەگەن,
ونەگەلى, ورەلى ءور ىسپەنەن,
ءاربىر تاڭدى, قازاعىم, ءاربىر كۇندى,
قارسى الايىق وسىلاي جەڭىسپەنەن!
ءشومىشباي ساريەۆ,
قازاقستاننىڭ ەڭبەك
سىڭىرگەن قايراتكەرى,
الماتىدا اياقتالعان
28-شى قىسقى
ۋنيۆەرسيادا الاۋ وتى ءان-ۇرانى ءماتىنىنىڭ
اۆتورى