ەڭبەك ەرى ەلەۋسىز قالعان جوق

وسكەمەن قالاسىنىڭ تۇرعىنى, ەڭبەك ەرى قايروللا باقتىباەۆ اعا­مىز ۋكراينانىڭ كيەۆ, جيتو­مير, كامەنەتس-پودولسكي, تەر­نوپول, لۆوۆ قالا­لا­رىن نە­مىس باسقىنشىلارىنان ازات ەتۋ­گە قاتىسىپ, رۋمىنيا, ۆەنگريا, اۆستريا جەرىندەگى ۇرىستاردىڭ ال­عى شەبىندە بولعان. مايدانگەردىڭ ءوڭى­رى­ن­دە ۇرىس دالاسىنداعى ەرلىگىنىڭ كۋا­سىندەي قىزىل جۇلدىز وردەنى, «ەرلىگى ءۇشىن» مەدالى جارقىرايدى. ازاماتتىق بورىشىن وتەگەننەن كەيىن دە, ودەسساداعى مەتاللۋرگيا زاۋ­ىتىنا جۇمىسقا جىبەرىلىپ, تاجىريبە جيناقتاپ, تەك 1950 جىلى عانا ەلگە ورالادى. قايروللا اعامىزدىڭ وسكەمەن قالاسىنداعى اڭىزعا لايىق مەتاللۋرگيا سالاسىن­داعى ۇزاق جىل­عى ەڭبەك جولى وسىلاي باستالادى. 1950 جىلدان 1975 جىلعا دەيىن تابان اۋدارماي وسكەمەن قورعاسىن مىرىش كومبيناتىندا ەڭبەك ەتىپ, شىعىستاعى كەشەگى وداق دارەجەسىندە سوتسياليستىك ەڭبەك ەرى اتاعىن العاش العان اتاقتى كەن­شى. جاقىندا وسكەمەن قالالىق جۇ­مىس­قا ورنالاستىرۋ جانە حالىقتى الەۋ­مەتتىك قورعاۋ ءبولىمى قالالىق ار­داگەرلەر كەڭەسى جانە تۇرعىلىقتى شاعىن اۋدانداعى ءوزىن ءوزى باسقارۋ كوميتەتىنىڭ وكىلدەرى 92 جاسقا تولعان ەڭبەك ەرىن ارنايى قۇتتىقتاپ بارىپ, سىي-سياپات جاسادى. ەڭبەك ەرىنىڭ جادى مىقتى. تاڭەرتەڭنەن بەرى تەلەفون ارقىلى قۇتتىقتاعان ادامدار ەسىمىن قايتالاپ ايتىپ, ءوز ريزاشىلىعىن ءبىلدىرۋدى دە ۇمىتپادى. ارداگەر اعامىز ەل مەن جەردەگى كوزكورگەندەرىنىڭ امان­دىعىن سۇراپ, جاستىق كەزدەگى زا­مان­داستارىنىڭ ۇرپاعىنا اسقان ىقىلاس تانىتتى. رايسا زوتوۆا, وسكەمەن قالالىق ارداگەرلەر كەڭەسى جانىنداعى تۇراقتى كوميسسيا ءتورايىمى