پارلامەنت ءماجىلىسىنىڭ دەپۋتاتى ەكاتەرينا نيكيتينسكايا, «اق جول» قدپ الماتى قالالىق فيليالىنىڭ توراعاسى دميتري ۆاسيلەۆ جانە توراعانىڭ ورىنباسارى ەرلان اقجولوۆ الماتى قالاسىنداعى ا.سىزعانوۆ اتىنداعى ۇلتتىق عىلىمي-حيرۋرگيا ورتالىعىندا اق حالاتتى ابزال جاندارمەن كەزدەسۋ وتكىزدى.
جيىن بارىسىندا دەپۋتات اتالعان مەكەمە ۇجىمىنىڭ الدىندا مەملەكەت باسشىسىنىڭ بيىلعى جولداۋىنا كەڭىنەن توقتالىپ ءوتتى. ال ەلباسىنىڭ ۇندەۋى دەموكراتيالىق دامۋ جولىنداعى تاريحي شەشىم بولعانىن ەرەكشە اتادى.
«قازىر ەلىمىزدىڭ بارلىق ءوڭىرلەرىندە پرەزيدەنت نۇرسۇلتان نازارباەۆتىڭ قازاقستان حالقىنا ارناعان جولداۋى مەن دەموكراتيالىق وزگەرىستەرگە قاتىستى ۇندەۋى قىزۋ تالقىلانىپ جاتىر. ەلباسى ۇندەۋدە كونستيتۋتسيالىق زاڭدارعا وزگەرىستەر ەنگىزىپ, قازىرگى مەملەكەتتىك باسقارۋ جۇيەسىن جاڭارتاتىن كەزدىڭ كەلگەنىن ايتىپ, مۇنداي قادام زامان تالابىنان تۋىنداپ وتىرعانىن جەتكىزدى. شىندىعىندا, ەڭ العاش تاۋەلسىزدىك العان جىلداردا بىزگە پرەزيدەنتتىك باسقارۋ تەتىگى قاجەت بولعان ەدى. ونىڭ ءناتيجەسىنىڭ قانداي بولعانىن ءبىز كورىپ وتىرمىز. شيرەك عاسىر ىشىندە ءبىز الەمنىڭ ەڭ الپاۋىت مەملەكەتتەرىمەن تەڭەسەتىن مەملەكەتتەر قاتارىنا كىردىك. باسەكەگە قابىلەتتى قازاقستانعا اينالدىق. وسىناۋ تابىسقا تولى 25 جىلدان سوڭ ءبىز جاڭاشا قادام باسىپ, جاڭا ءداۋىردىڭ ەسىگىن اشقالى وتىرمىز. اتالعان بۇل قادام پارلامەنت پەن ۇكىمەتكە ۇلكەن جاۋاپكەرشىلىك, سەنىم جۇكتەيدى», – دەدى ە.نيكيتينسكايا.
جيىن سوڭىندا ا.سىزعانوۆ اتىنداعى ۇلتتىق عىلىمي-حيرۋرگيا ورتالىعىنىڭ ديرەكتورى بولات بايماحانوۆ كلينيكانىڭ تىنىس-تىرشىلىگىمەن تانىستىردى.
ساپارباي پارمانقۇلوۆ,
«ەگەمەن قازاقستان»
الماتى