پارلامەنت ءماجىلىسىنىڭ دەپۋتاتتارى جامبىل احمەتبەكوۆ, باقىتگۇل حامەنوۆا, گەننادي شيپوۆسكيح, مارات بوپازوۆ اتىراۋ وبلىسىنا جۇمىس ساپارى بارىسىندا «باتىس» وڭىرلىك قولباسشىلىعىنىڭ شتابىندا اسكەري قىزمەتشىلەرمەن جانە ولاردىڭ وتباسى مۇشەلەرىمەن كەزدەستى.
اسكەري قىزمەتشىلەرمەن اڭگىمەلەسۋ بارىسىندا, دەپۋتاتتار «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن تالقىلاپ, ونداعى الەۋمەتتىك قامتاماسىز ەتۋ باعىتىن ءتۇسىندىردى. 2017 جىلدىڭ 1 شىلدەسىنەن باستاپ زەينەتاقى 20 پايىزعا كوتەرىلەتىنىنە, 2018 جىلدىڭ 1 ءشىلدەسىنەن باستاپ زەينەتاقى تاعايىنداۋدىڭ جاڭا ءادىستەمەسى ەنگىزىلەتىنىنە توقتالدى. «نۇرلى جەر» مەملەكەتتىك باعدارلاماسىن جۇزەگە اسىرۋ جونىندەگى ماڭىزى جوعارى ماسەلە تۋرالى دا ايتىپ ءوتتى.
ءوز كەزەگىندە ءسوز العان اسكەري قىزمەتشىلەر پرەزيدەنت جولداۋىن قولدايتىندىقتارىن, ەلدە جۇرگىزىلەتىن رەفورمالاردى تالقىلاۋعا اتسالىساتىندىقتارىن ايتىپ, وڭ ناتيجە كۇتەتىندىكتەرىن جەتكىزدى.
باقىتگۇل باباش, «ەگەمەن قازاقستان»
اتىراۋ