پارلامەنت سەناتىنىڭ دەپۋتاتى تولەۋبەك مۇقاشەۆ «قازاقستان گاز اسسوتسياتسياسى» زاڭدى تۇلعالار بىرلەستىگىنىڭ ەڭبەك ۇجىمىمەن كەزدەستى. جۇزدەسۋدە مەملەكەت باسشىسى ن.نازارباەۆتىڭ بيلىك تارماقتارى اراسىنداعى وكىلەتتىكتەردى قايتا ءبولۋ جونىندەگى ۇندەۋى مەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋى جان-جاقتى تالقىلاندى.
كەزدەسۋگە قاتىسۋشىلار ەلىمىزدىڭ بۇدان بىلايعى دامۋى ايقىندالعان شارالاردىڭ ماڭىزدى ەكەنىن ءبىراۋىزدان ايتا كەلىپ, مەملەكەت باسشىسىنىڭ ۇسىنىستارىنا ءبىراۋىزدان قولداۋ ءبىلدىردى. ت.مۇقاشەۆ كەيبىر وكىلەتتىكتەردىڭ ۇكىمەت قۇزىرەتىنە بەرىلۋى الەۋمەتتىك-ەكونوميكالىق مىندەتتەردى ءتيىمدى ىسكە اسىرۋعا قوسىمشا سەرپىن بەرەتىنىن اتاپ ءوتتى. مەملەكەت باسشىسى العا قويعان مىندەتتەردى ۇكىمەتتىڭ تولىق كولەمدە ىسكە اسىرۋعا قابىلەتتىلىگى, قازىرگى زاماننىڭ قاتەرلەرىنە جەدەل ارەكەت ەتەتىنى جانە ماڭىزدى مەملەكەتتىك باعدارلامالاردىڭ جۇزەگە اسۋىنا باقىلاۋدى قامتاماسىز ەتەتىنى ايتىلدى.
پىكىرسايىس ناتيجەسىندە مەملەكەت باسشىسىنىڭ قازاقستاندىقتاردىڭ ءال-اۋقاتىن جاقسارتۋعا باعىتتالعان جولداۋى ەلىمىز دامۋىنىڭ جاڭا كەزەڭىنە جول اشاتىنى اتاپ كورسەتىلدى.
ايناش ەسالي, «ەگەمەن قازاقستان»
الماتى