قازىر تەحنولوگيانىڭ دامىعان زامانى عوي. ءمۇمكىندىك بولىپ تۇرعان كەزدە وتكەن دۇنيەلەردىڭ ءبارىن قاتتاپ, ءوڭدەپ, ساقتاپ قويعانعا نە جەتسىن؟! وسىعان بايلانىستى جىل سوڭىنا دەيىن كاسسەتاعا جازىلعان 25 مىڭنان استام وتاندىق فيلمدەر ءوڭدەلىپ, ساندىق قۇرىلعىعا كوشىرىلەتىن بولدى.
قازاق عىلىمي-زەرتتەۋ ءمادەنيەت ينستيتۋتىنىڭ باس ديرەكتورى اندرەي حازبۋلاتوۆتىڭ ايتۋىنا قاراعاندا, بۇل ءىس ءجۇزەگە اسقاننان كەيىن, جاڭا قۇرىلعىعا كوشىرىلگەن كينوتۋىندىلار قازاقستاندىق ارنالاردا كورسەتىلەدى. سونداي-اق, بۇل جوباعا «قازاقفيلم» كينوستۋدياسى قولداۋ كورسەتۋدە. جانە بيىل قابىلداناتىن كينو تۋرالى زاڭ دا بۇل ىسكە وڭ سەرپىن بەرەتىنى انىق.
ورالحان ءداۋىت, «ەگەمەن قازاقستان»