الماتى ۋنيۆەرسيادانىڭ ارقاسىندا مەگاپوليستىڭ الاتاۋ اۋدانى ءارى قاراي دامۋ مۇمكىندىگىنە يە بولىپ وتىر. اتالعان اۋدانعا 8 جىلدا قۇيىلعان ينۆەستيتسيا كولەمى 32 ەسە ارتقان.
وسىعان دەيىن قالانىڭ شىرايسىز شەتى سانالىپ كەلگەن الاتاۋ اۋدانى ءبۇگىندەرى قالا قوناقتارى مەن تۇرعىندارىن وزىنە باۋراعان جاڭا ورتالىققا اينالىپ ۇلگەردى. بۇل اۋداندا ۋنيۆەرسيادانىڭ باستى نىساندارى – «الماتى ارەنا» جانە اتلەتتەر اۋىلى ورنالاسقان. «الماتى ارەناعا» قول سوزىم جەردە 15,6 مىڭ پاتەرلىك شاعىن اۋدان, سونىڭ ىشىندە, «ەسكى ۇيلەر» باعدارلاماسى بويىنشا 9 قاباتتى ەكى ءۇي بوي كوتەردى. الداعى ءۇش جىلدا تاعى 16 مىڭ ءپاتەردەن تۇراتىن 279 ءۇي سالىنباقشى.
قىسقى ۋنيۆەرسيادا وتكىزىلگەن سوڭ, تولىققاندى الەۋمەتتىك ينفراقۇرىلىمى بار اتلەتتەر اۋىلى 1,7 مىڭنان اسا وتباسى ءۇشىن جايلى باسپاناعا اينالادى. اتلەتتەر اۋىلىنىڭ 1748 ءپاتەرى ءارى قاراي ساتىپ الۋ مۇمكىندىگىمەن جالداۋعا بەرىلمەكشى. وسىلايشا, العاشقى سەگىز جىل ىشىندە 15,5 ملرد تەڭگە مولشەرىندە ينۆەستيتسيالاردىڭ 40 پايىزعا جۋىعى قايتارىلماق. بۇل الماتىداعى باسپاناعا كەزەكتى 10 پايىزعا ازايتۋى ءتيىس.
جاڭا تۇرعىن ءۇي كەشەنىندە ەمحانا, سۋپەرماركەت, بانك بولىمشەلەرى مەن پوشتا, پوليتسيا بەكەتى قىزمەت كورسەتەتىن بولادى.
باقتيار تايجان, «ەگەمەن قازاقستان»
الماتى