قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ رەسەي سىرتقى ساياسات ۆەدومستۆوسىنىڭ باسشىسى سەرگەي لاۆروۆقا «لوكوموتيۆ» حوككەي كومانداسى مەن «ياك-42» ۇشاعى ەكيپاجىنىڭ قازاعا ۇشىراۋىنا بايلانىستى كوڭىل ايتۋ جەدەلحاتىن جولدادى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
«لوكوموتيۆ» حوككەي كومانداسى مۇشەلەرى مەن ەكيپاجدىڭ قازاسىنا سوقتىرعان «ياك-42» ۇشاعىنىڭ اپاتقا ۇشىراۋى تۋرالى حاباردى قايعىرا وتىرىپ قابىلدادىم. وسى قايعىلى وقيعاعا بايلانىستى شىن نيەتتەن كوڭىل ايتۋىمدى بىلدىرەمىن جانە قازا تاپقانداردىڭ وتباسىلارىنا, تۋىسقاندارى مەن جاقىندارىنا قولداۋ ءسوزىمدى جەتكىزۋىڭىزدى ءوتىنەمىن», دەلىنگەن جەدەلحاتتا.
جاقسىباي سامرات.