الداعى ۋاقىتتا قازاقستانداعى وندىرىستىك ورىنداردا جاس مامانداردىڭ سانى كوبەيەدى, دەپ جازادى قازاقپارات.
“قازىرگى كەزدە رەسپۋبليكا بويىنشا 20 مىڭنان استام بوس جۇمىس ورىندارى بار. ول جەرلەرگە كاسىبي ماماندار جەتىسپەي جاتىر. سوندىقتان بيىلعى جولداۋدا كاسىبي ءبىلىم بەرۋگە قاتىستى تالاپ-مىندەتتەر ورىندى قويىلىپ وتىر. ماسەلەن, بيىلدان باستاپ جاستار العاشقى جۇمىسشى ماماندىعىن تەگىن الادى. وسىمەن وندىرىستەردى كاسىبي ماماندارمەن قامتاماسىز ەتۋدىڭ بۇرىنعى جۇيەسى قايتىپ كەلىپ وتىر. سوندىقتان الداعى ۋاقىتتا جاڭا كاسىپورىندار مەن زاۋىتتاردا جاس ءارى كاسىبي ماماندار كوبەيەتىن بولادى”, – دەدى قۇسايىنوۆ بۇگىن ورتالىق كوممۋنيكاتسيالار قىزمەتىندە وتكەن ءباسپاسوز ءماسليxاتىندا.
ايتا كەتەيىك, بۇگىنگى شارا بارىسىندا فەدەراتسيا باسشىسى ارنايى ساۋالنامانىڭ ناتيجەسىندە قازىرگى ەڭ تومەنگى كۇنكورىس دەڭگەيىنىڭ انىقتالعانىن جەتكىزدى. ونىڭ ايتۋىنشا, اتالعان جۇمىستىڭ تولىق ەسەبى جاقىن ارادا ۇكىمەتتىڭ قاراۋىنا ۇسىنىلادى.