«بارسەلونا» فۋتبول كلۋبىنىڭ اكادەمياسىنان تۇلەپ ۇشقان سيتو ريەرا پاۆلوداردىڭ «ەرتىس» كومانداسىندا باقىلاۋدان ءوتىپ جاتىر. بۇل تۋرالى vesti.kz حابارلادى.
يسپانيالىق جارتىلاي قورعاۋشى بۇعان دەيىن قازاقستان پرەمەر-ليگاسىندا «قايراتتىڭ» نامىسىن قورعاعان. 2014-2016 جىلدار ارالىعىندا 41 ويىنعا قاتىسىپ, 4 گولدىڭ اۆتورى اتانعان. وتكەن جىلدىڭ تامىز ايىندا پولشانىڭ «شلەنسك» ۇجىمىمەن كەلىسىمشارتقا وتىرعان بولاتىن.
فۋتبولشىلىق عۇمىرىندا يسپانيانىڭ «بارسەلونا», «ەسپانول», گرەكيانىڭ «پانتراكيكوس», «پانيونيس», ۋكراينانىڭ «چەرنومورەتس» كلۋبتارىندا ويناعان.
كەشە «ەرتىس» پەن «ترەپچا-89» اراسىنداعى جولداستىق كەزدەسۋگە قاتىسقان. مالىمەتتەر بويىنشا, جاقىن ارادا ول پاۆلودارلىق كلۋبپەن كەلىسىمشارتقا قول قويادى.