العاشقى قازاقستاندى استىق قىتايدىڭ ليانيۋنگان پورتى ارقىلى ۆەتنامنىڭ حوشيمين پورتىنا جىبەرىلدى, دەپ حابارلادى «قازاقستان تەمىر جولى» ۇك» اق ءباسپاسوز قىزمەتى.
«قتج» ۇك» اق ەنشىلەس كاسىپورنى «KTZ Express اق ليانيۋنگان قالاسىنداعى «قىتاي-قازاقستان حالىقارالىق لوگيستيكالىق كومپانياسى» جشس-مەن بىرلەسىپ, قاناتقاقتى جوبا رەتىندە وسى باعداردى تاڭدادى.
اتاپ وتەرلىگى, قازاقستاننىڭ جالتىر ستانتسياسىنان تۇڭعىش رەت 32 كونتەينەرمەن 700 توننا قازاقستاندىق استىق ليانيۋنگان پورتى ارقىلى حوشيمين پورتىنا جونەلتىلدى.
ليانيۋنگان پورتىندا قازاقستاندىق استىقتى جىبەرۋگە قاتىستى سالتاناتتى شارا وتكىزىلدى. وعان «ليانيۋنگان» پورتى مك» جشس ديرەكتورلار كەڭەسىنىڭ توراعاسى دين جۋي قاتىسىپ, قىتاي تاراپىنىڭ قازاقستان اۋماعى ارقىلى كولىك ءدالىزىن دامىتۋعا, قازاقستاندىق ونىمدەردى قىتاي اۋماعى ارقىلى وڭتۇستىك –شىعىس ازيا ەلدەرىنە شىعارۋعا قولداۋ كورسەتەتىندىگىن اتاپ ءوتتى. وسى ءدالىز ارقىلى قازاقستانعا وڭتۇستىك شىعىس ازيا ەلدەرىنىڭ ءتۇرلى ونىمدەرىن جەتكىزۋ دە جوسپارلانىپ وتىر.
قازاقستاندىق ءونىمدى ليانيۋنگان پورتىنىڭ الەۋەتىن پايدالانا وتىرىپ جۇزەگە اسىرۋ جىبەك جولى ەكونوميكالىق بەلدەۋىن دامىتۋدى كوزدەيدى.