2017 جىلدىڭ قاڭتارىندا ەڭبەك مەملەكەتتىك ينسپەكتورلارى ەلىمىزدەگى كاسىپورىنداردىڭ جۇمىسشىلارعا جالاقى بەرەشەگى 200 ملن. تەڭگەنى قۇراعاندىعىن انىقتادى, دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگى.
«اعىمداعى جىلدىڭ باسىنان بەرى ەڭبەك مەملەكەتتىك ينسپەكتورلارى 44 رەسپۋبليكالىق كاسىپورىنىڭ 348 جۇمىسشى الدىنداعى بەرەشەگى 200 ملن. تەڭگەنى قۇراعاندىعىن انىقتادى. اتالعان كاسىپورىنداردىڭ باسشىلىعىنا ورىنداۋ ءۇشىن مىندەتتى 40 ۇيعارىم تابىس ەتىلدى جانە جالپى سوماسى 4 ملن. تەڭگەنى قۇرايتىن 20 ايىپپۇل سالىندى», - دەلىنگەن حابارلامادا.
ۆەدومستۆونىڭ اتاپ وتۋىنشە, قابىلدانعان شارالاردىڭ ناتيجەسىندە جۇمىسشىلار الدىنداعى بەرەشەكتىڭ 50 ملن. تەڭگەسى وتەلگەن.
«300-دەن استام جۇمىسشىنىڭ قۇقىعى قورعالدى. ونىڭ ىشىندە رەسپۋبليكالىق 3 كاسىپورىننىڭ 158 جۇمىسشىسى الدىنداعى 17 ملن. تەڭگە كولەمىندەگى بەرەشەگى تولىقتاي جابىلدى. ولار: «سپ Sareco» جشس 118 جۇمىسشى الدىنداعى 14,9 ملن تەڭگە (اقمولا وبلىسى), «جامبىلگيپس» جشس 23 جۇمىسشى الدىنداعى 1,1 ملن تەڭگە جانە «جامبىلگيپسستروي» جشس 12 جۇمىسشى الدىنداعى 1 ملن تەڭگە», - دەلىنگەن اقپاراتتا.