بورانعا بايلانىستى بىرقاتار رەسپۋبليكالىق جولداردا كولىك قوزعالىسى شەكتەلدى, دەپ حابارلايدى «قازاقاۆتوجول» رمك.
بۇگىن ساعات 13:30-دان باستاپ قوستاناي وبلىسىنىڭ بارلىق اۋماعىندا كولىكتەردىڭ جولعا شىعۋىنا تىيىم سالىندى. بۇدان بولەك, قازىرگى ۋاقىتتا اقتوبە وبلىسىندا دا بىرقاتار جولدار جابىق تۇر.
اتاپ ايتقاندا, «اقتوبە-اتىراۋ-استراحان» جولىنىڭ 92 شاقىرىمىنداعى قاندىاعاشتان باستاپ, 330 شاقىرىمداعى اتىراۋ وبلىسى شەكاراسى ارالىعىندا شەكتەۋ بار. ال «سامارا-شىمكەنت» جولىنىڭ بويىنداعى اقتوبە مەن قوبدا ارالىعىندا دا قاتتى بورىن كولىك قوعالىسىنا توسقاۋىل بولدى. «اقتوبە-ورىنبور» اۆتوجولىنىڭ 8-99 شاقىرىمىنداعى اقتوبە قالاسى مەن رف شەكاراسى ۋچاسكەسى جابىق. مۇنىمەن قوسا, «اقتوبە-ورسك» جولىنىڭ 17-135 شاقىرىمىنداعى پريگورودنىي 2 مەن رەسەي شەكاراسى ارالىعىندا بارلىق كولىك تۇرلەرىنىڭ قوزعالىسىنا تىيىم سالىندى.