«مانچەستەر يۋنايتەد» كومانداسىنىڭ شابۋىلشىسى زلاتان يبراگيموۆيچ اعىلشىن پرەمەر-ليگاسىنىڭ تاريحىندا ءبىر ماۋسىمدا 15 گول سوققان جاسى ۇلكەن فۋتبولشى اتاندى. سونىمەن قاتار, سوڭعى 10 ماۋسىمدا كەم دەگەندە 20 گولدان سوعىپ وتىرعان.
مۇنداي كورسەتكىشكە ول 35 جاس, 125 كۇنىندە جەتتى. شۆەتسيالىق فورۆارد كەشە ەل بىرىنشىلىگىندە «لەستەر» كلۋبىنا قارسى ويىندا مەرگەندىگىمەن كوزگە تۇسكەن بولاتىن. ونىڭ ەنشىسىندە بۇدان بولەك ءۇش ناتيجەلى پاس بار.
ايتا كەتەيىك, زلاتان وتكەن جازدا ەركىن اگەنت رەتىندە پسج كلۋبىنان اۋىسىپ كەلگەن. وسى ۋاقىت ارالىعىندا «مانچەستەر يۋنايتەد» ساپىندا 30 ويىنعا قاتىسىپ, 20 گولدىڭ اۆتورى اتانعان.