استانادا سيرياداعى جاعدايدى رەتتەۋگە قاتىستى حالىقارالىق تەحنيكالىق كەزدەسۋ ءوتىپ جاتىر. بۇل تۋرالى قر سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆ حابارلادى.
«استانادا سيريالىق جاعدايدى رەتتەۋ بويىنشا رەسەيدەن, يراننان كەلگەن ساراپشىلاردىڭ, سونداي-اق بۇۇ وكىلدەرىنىڭ قاتىسۋىمەن ۇشجاقتى حالىقارالىق كەزدەسۋ ءوتىپ جاتىر. مۇنىمەن قوسا, يوردانيا وكىلدەرىنىڭ دە قاتىسۋى كۇتىلۋدە. كۇن تارتىبىنە جاۋىنگەرلىك ءىس-قيمىلداردى توقتاتۋ تۋرالى رەجىمدى ساقتاۋ, وق اتۋدى دوعارۋ ۋاعدالاستىعىن بەكىتۋ جونىندەگى قارۋلانعان سيريالىق وپپوزيتسيانىڭ ۇسىنىسىن تالقىلاۋ, اسكەري ءىس-قيمىلداردى توقتاتۋ رەجىمىن قولدانۋدىڭ ناقتى پارامەترلەرىن ايقىنداۋ تاقىرىپتارىن تالقىلاۋ ەنگىزىلگەن»,-دەدى جايناقوۆ.
ونىڭ ايتۋىنشا, تاراپتار بيىل 23-24 قاڭتار ارالىعىندا استانادا وتكەن حالىقارالىق كەزدەسۋدىڭ قورىتىندىسى بويىنشا ساياسي ماسەلەلەردى تالقىلايدى.
سونىمەن قاتار, كۇننىڭ ەكىنشى جارتىسىندا كەزدەسۋ قورىتىندىسى بويىنشا بريفينگ وتەتىنى ايتىلادى.