قازاقستاندا ەڭ ۇلكەن سۇرانىسقا يە اي-92 ماركالى بەنزين باعاسى قىمباتتادى, دەپ حابارلايدى Tengrinews.kz.
اتاپ ايتقاندا, جانارمايدىڭ اتالعان ءتۇرى “قازمۇنايگاز” بەكەتتەرىندە 1 ءليترى ءۇشىن 137-دەن 139 تەڭگەگە دەيىن وسسە, اي-95 ماركالى جانارماي 150 تەڭگەدەن ساتىلىپ جاتىر.
ال, Sinooil جانارماي قۇيۋ بەكەتتەرىندە اي-92 ماركالى جانارماي باعاسى 140 تەڭگەگە دەيىن شارىقتاعان. اي-95 بولسا 1 ءليترى ءۇشىن 152 تەڭگەدەن ساتىلىپ جاتىر. ال, Helios بەكەتتەرىندە اي-92 – 138 تەڭگە, اي-95 – 150 تەڭگە تۇرادى.
باعانىڭ ايتارلىقتاي شارىقتاۋى “اۋريكا” جانارماي بەكەتتەرىندە تىركەلىپ وتىر. مۇندا 1 ليتر اي-92 ماركالى بەنزيننىڭ باعاسى بىردەن 145 تەڭگەگە دەيىن وسكەن. اي-95 بولسا 161 تەڭگەدەن ساتىلۋدا.
رەسەيلىك “گازپرومنەفت” كومپانياسىنىڭ بەكەتتەرىندە دە قىمباتشىلىق. مۇنداي اي-95 – 141 تەڭگە, اي-95 – 153 تەڭگە.
“قازمۇنايگاز ونىمدەرى” كومپانياسىنىڭ باسشىلارى بۇعان دەيىن ەلىمىزدە اي-92 ماركالى جانارماي باعاسىنىڭ 145 تەڭگەگە دەيىن قىمباتتايتىنىن بولجاعان ەدى.