«قازاگرو» ۇلتتىق حولدينگى اۋىلداعى ەگىستىك جۇمىستارىن قارجىلاندىرۋدى باستادى, دەپ حابارلايدى حولدينگتىڭ ءباسپاسوز قىزمەتى.
اعىمداعى جىلى كوكتەمگى-ەگىس جانە جيناۋ جۇمىستارىنا رەسپۋبليكالىق بيۋدجەتتەن قازاگرو حولدينگى ارقىلى جالپى سومماسى 60 ملرد. تەڭگەنىڭ قىسقا مەرزىمدى نەسيەلەرى بەرىلەدى. ال بيۋدجەتتەن تىس قارجى كوزدەرى ەسەبىنەن اۋىلشارۋاشىلىق تەحنيكاسىن ساتىپ الۋدى قارجىلاندىرۋعا «قازاگروقارجى» اق ارقىلى شامامەن 35 ملرد تەڭگەنى ءبولۋ كوزدەلىپ وتىر.
«قارجىلاندىرۋمەن العاشقى كەزەكتە اۋىلشارۋاشىلىعى كووپەراتيۆتەرى قامتىلادى. سونداي-اق مەملەكەتتىك قاراجاتتى پايدالانۋدىڭ تيىمدىلىگىن ارتتىرۋ جانە وتاندىق كاسىپورىنداردىڭ جۇكتەمەسىن ارتتىرۋ ماقساتىندا داقىلداردىڭ باسىمدىقتارىن ەسەپكە الا وتىرىپ, قارجىلاندىرۋ مەحانيزمى ەنگىزىلەدى, ياعني اۋىل شارۋاشىلىعى مينيسترلىگى بەلگىلەگەن داقىلدارعا (كۇنباعىس, راپس, زىعىر,سويا, ارپا, قانت قىزىلشاسى, كۇرىش, ماقتا, س ۇلى, كارتوپ) باسىمدىق جاسالادى», -دەلىنگەن رەسمي حابارالامادا.
ايتا كەتەيىك, «قازاگرو» ۇلتتىق حولدينگى قارجىلاندىرۋدى ءۇش باعىتتا جۇرگىزەدى.