ۇكىمەتتىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازارباەۆ ۇكىمەتكە بىرقاتار ناقتى تاپسىرمالار بەرگەن بولاتىن. ناتيجەسىندە, سەنبى كۇنى وتكەن ۇكىمەتتىڭ كەزەكتەن تىس وتىرىسىندا پرەمەر-مينيستر باقىتجان ساعىنتاەۆ ۇلتتىق ەكونوميكا مينيسترلىگىنە ءبىر ايدا پروتسەدۋرالاردى ودان ءارى جەڭىلدەتۋ بويىنشا جۇمىس جۇرگىزۋدى تاپسىردى.
ءبىرىنشى توقساننىڭ سوڭىنا دەيىن ءتۇرلى سالالارداعى تيپتىك جوبالار ءتىزىمىن كەڭەيتۋ جانە وسى ماسەلە بويىنشا وڭىرلەرگە تولىق ادىستەمەلىك قولداۋ كورسەتۋ تاپسىرىلدى.
«سونىمەن بىرگە, ۇلتتىق ەكونوميكا مينيسترلىگى سالالىق مينيسترلىكتەرمەن بىرگە اكىمدىكتەردىڭ بيۋدجەتتىك وتىنىمدەرىن قاراستىرۋ كەزىندە ءمجا اياسىندا ىسكە اسىرۋعا بولاتىن جوبالاردى قابىلداماۋى كەرەك», - دەپ باسا ايتتى ب. ساعىنتاەۆ.
بۇدان وزگە, الداعى رەسپۋبليكالىق بيۋدجەتتى ناقتىلاۋعا قاتىستى ۇكىمەت باسشىسى قارجى ءمينيسترى ب. سۇلتانوۆقا وسى كەزەڭنىڭ وزىندە وسى قاعيدالاردى باسشىلىققا الا وتىرىپ, الدىندا كەلىسىلگەن جوبالاردىڭ ءوزىن قابىلداماۋدى تاپسىردى.
ءوز كەزەگىندە تيمۋر سۇلەيمەنوۆ مەملەكەتتىك-جەكە مەنشىك ارىپتەستىك ء(مجا) جوبالارىنىڭ بارلىق وبلىستا بىردەي دەڭگەيدە دامىماي جاتقانىن راستادى. ونىڭ پىكىرىنشە, جەرگىلىكتى اتقارۋشى بيلىك جارنامامەن بارىنشا كوپ جۇمىس ىستەۋى قاجەت. ءمجا-ءتى دامىتۋعا بارلىق جاعدايلار جاسالۋدا.
وسى ورايدا, 2016 جىلى ورتالىقتاندىرۋ جۇيەسى الىنىپ تاستالدى, ول كەزدە ءمجا جونىندەگى شەشىمدەردى ورتالىق دەڭگەيىندە قابىلداۋ قاجەت بولاتىن. ەندىگى قۇنى 9 ملرد تەڭگەگە دەيىنگى جوبالار قانداي دا ءبىر كەلىسىمسىز, جەرگىلىكتى دەڭگەيدە جۇزەگە اسىرىلادى.
بۇدان وزگە, ءمجا-ءنىڭ ماڭىزدى نىساندارى بويىنشا ينۆەستورلارعا دا, جەرگىلىكتى اتقارۋشى ورگاندارعا دا قاجەتتى تيپتىك قۇجاتتار ازىرلەندى. اتالعان تيپتىك قۇجاتتار الداعى ارىپتەستىكتىڭ بارلىق ەرەكشەلىكتەرىن الدىن الا ءبىلىپ الۋعا مۇمكىندىك بەرەدى.
«جەرگىلىكتى اتقارۋشى ورگان دا, ينۆەستور دا نە نارسەگە قول قويىپ جاتقانىن ناقتى بىلەتىن بولادى. سايكەسىنشە, سيپاتتامالاردى, تەحنولوگيالىق جانە وزگە دە سىزبالاردى جانە كەلىسىمشارت مىندەتتەمەلەرىن بەكىتۋ سەكىلدى ۇزاق ءۇردىس قىسقارتىلادى. بۇل ۋاقىتتى ايتارلىقتاي دەڭگەيدە قىسقارتۋعا مۇمكىندىك بەرەدى», - دەدى ت. سۇلەيمەنوۆ.
ءبىرىنشى توقسان ارالىعىندا ءمجا قولدانىلاتىن بارلىق سەكتوردىڭ تيپتىك قۇجاتتارىن بەكىتۋ جوسپارلانعان.
مينيسترلىك «باعدارلامالىق ءمجا» تۇسىنىگىن ەنگىزۋدى ۇسىندى. ءمينيستردىڭ ايتۋىنشا, مۇنداي جوبالاردى بارىنشا ستاندارتتاۋ قاجەت.
«مىسالعا, بىزدە شاعىن بالاباقشالار بىردەي دەڭگەيدە ستاندارتتالعان «بالاپان» باعدارلاماسى بار. سونى نەگىزگە الا وتىرىپ, قارجىلاندىرۋعا, ينۆەستور مەن مەملەكەتتىڭ قاتىسۋىنا دا وسىنداي ستاندارتتاۋ جاعدايىن جاساۋعا بولادى. بۇل تولىق باعدارلاماعا اينالاتىنداي ەتىپ ستاندارتتاۋعا بولادى. مۇنداي جاعدايدا, جاو دا, ينۆەستورلار دا كەلىسسوزگە تۇسپەي-اق: تەك شارت جاساسىپ, قۇجاتقا قول قويىپ, جۇمىستى جۇزەگە اسىرۋعا كىرىسە بەرەدى. بۇل ءبىزدىڭ بيىل بەكىتۋدى كوزدەپ وتىرعان يدەيالارىمىزدىڭ ءبىرى», - دەپ ءتۇسىندىرىپ ءوتتى ت. سۇلەيمەنوۆ.
بارلىق ادىستەمەلىك كومەك كورسەتۋ مەن ىلەسپەلى ءتۇسىندىرۋ جۇمىستارىن ۇلتتىق ەكونوميكا مينيسترلىگى جۇرگىزۋگە مىندەتتەلەدى.