قر پرەمەر-ءمينيسترى باقىتجان ساعىنتاەۆ قر ۇكىمەتى وتىرىسى بارىسىندا مەديتسينالىق ساقتاندىرۋدى ەنگىزۋگە ەرەكشە نازار اۋدارۋدى تاپسىردى, دەپ جازادى pm.kz.
ەسكە سالا كەتەيىك, كەشە مەملەكەت باسشىسى نۇرسۇلتان نازارباەۆ بىرقاتار ناقتى تاپسىرمالار بەرگەن قر ۇكىمەتىنىڭ كەڭەيتىلگەن وتىرىسى ءوتتى.
ۇكىمەت باسشىسىنىڭ ايتۋىنشا, دەنساۋلىق ساقتاۋ سالاسىندا, ءبىرىنشى كەزەكتە, ۇزاقمەرزىمدىك نەگىزدە وتاندىق وندىرۋشىدەن ءدارى-دارمەك پەن مەديتسينالىق ماقساتتاعى بۇيىمداردى ساتىپ الۋدى ۇلعايتۋ جونىندەگى ءتيىستى شارالاردى قابىلداۋ قاجەت, سونىمەن قاتار ولاردى ساتىپ الۋ پروتسەدۋرالارىنىڭ ايقىندىعىن قامتاماسىز ەتۋ كەرەك.
«مەديتسينالىق تەحنيكالاردى ءتيىمدى پايدالانۋ ءۇشىن, جەتكىزۋشىلەردىڭ تەحنيكانى پايدالانۋدىڭ تولىق مەرزىمىندە سەرۆيستىك قىزمەت كورسەتۋ شارتىمەن, مەديتسينالىق تەحنيكانى ساتىپ الۋ تەتىگىن ازىرلەۋدى تاپسىرامىن», - دەدى ب. ساعىنتاەۆ.
سونىمەن قاتار, دۇرىس باعا بەلگىلەۋ ءۇشىن مەديتسينالىق تەحنيكانىڭ بىرىڭعاي نومەنكلاتۋراسىن قۇرۋ تاپسىرىلدى. مەديتسينالىق ساقتاندىرۋدىڭ مىندەتتى جۇيەسىن ەنگىزۋگە باسا نازار اۋدارۋ كەرەك.
«ءبىلىم بەرۋ تۋرالى ايتار بولساق, جالپى پرەزيدەنت اتالعان سالاداعى جاڭا تاسىلدەرگە قولداۋ ءبىلدىردى», - دەدى ۇكىمەت باسشىسى.
سونىمەن قوسا, ءبىلىم جانە عىلىم ءمينيسترى ە. ساعاديەۆكە حالىق اراسىندا 12 جىلدىق ءبىلىم بەرۋ جۇيەسىنە اۋىسۋ, ۇشتىلدىلىك جانە ۇبت-نىڭ جاڭا جۇيەسى جونىندە ساۋاتتى ءتۇسىندىرۋ جۇمىستارىن ۇيىمداستىرۋ تاپسىرىلدى.
«بۇل جۇمىسقا اقپارات جانە كوممۋنيكاتسيالار مينيسترلىگى دە اتسالىسۋى كەرەك», - دەپ ءسوزىن قورىتىندىلادى پرەمەر.