قازاقستاننىڭ بىرنەشە وڭىرىندە جولدار جابىلدى

قر ءىىم تج كوميتەتىنىڭ رەسمي سايتى قازاقستاننىڭ بىرقاتار وڭىرلەرىندەگى اۆتوتراسسالاردىڭ جابىلۋى تۋرالى اقپاراتتى جاريالادى. «قازاقاۆتوجول» رمك حابارلاۋىنشا, 5 اقپاندا ساعات 20:00-دەن باستاپ اۋا رايىنىڭ ناشارلاۋىنا (قار, بۇرقاسىن, بوران جانە جولدىن دۇرىس كورىنبەۋى) بايلانىستى رەسپۋبليكالىق ماڭىزى بار «سامارا-شىمكەنت» جولىنىڭ 615 شاقىرىمىنان (قوبدا اۋىلىنىڭ تۇسى) جانە 526 شاقىرىمىنا دەيىنگى (باتىس قازاقستان وبلىسى شەكاراسىنا دەيىن) ارالىقتا سونداي-اق «اقتوبە-استراحان» جولىنىڭ (شۇبارقۇدىق اۋىلى تۇسى) 11 شاقىرىمىنان باستاپ اتىراۋ وبلىسى شەكاراسىنا دەيىنگى 330 شاقىرىم ارالىعىندا بارلىق اۆتوكولىك تۇرلەرىنىڭ قوزعالىسى شەكتەلدى. تۇنگى 23-15-تەن باستاپ, بارلىق اۆتوكولىك تۇرلەرى ءۇشىن «سامارا-شىمكەنت» (718-618 شاقىرىمدار, اقتوبە ق. - قوبدا), «سامارا-شىمكەنت» (773-836 شاقىرىمدار, بەلوگوركا-حرومتاۋ) جولدارى جابىلدى. 6 اقپاندا 00-15-تەن باستاپ, «اقتوبە-ورسك» (17-135 شاقىرىمدار, پريگورودنىي اۋىلى-رف 2-شەكاراسى), 00-50-دەن بەرى «اقتوبە-ورىنبور» (8-99 شاقىرىمدار, اقتوبە - رف شەكاراسى) اۆتوجول بولىكتەرى بارلىق اۆتوكولىك تۇرلەرى ءۇشىن جابىق تۇر. باتىس قازاقستان وبلىسىندا 6 اقپان, تۇنگى 03-00-دە اۋا رايى جاعدايىنىڭ ناشارلاۋىنان (قار, بۇرقاسىن, جولدىڭ دۇرىس كورىنبەۋى) رەسپۋبليكالىق ماڭىزى بار «سامارا-شىمكەنت» (330-526 شاقىرىمدار) اۆتوجولىنىڭ بولىگى بارلىق كولىك تۇرلەرى ءۇشىن جابىلدى. الماتى وبلىسىندا «قۇرىلىس, جولاۋشىلار كولىگى جانە اۆتوموبيل جولدارى باسقارماسى» مم حابارىنا سايكەس, 3 اقپان كۇنى 21-00-دە اۋا رايىنىڭ قولايسىزدىعىنان (بۇرقاسىن, جولدىڭ كورىنبەۋى) بارلىق اۆتوكولىك تۇرلەرى ءۇشىن «تالدىقورعان-قاپال» (0-76 شاقىرىمدار) جولىندا قوزعالىس توقتادى. پ اقتوبە وبلىسىندا 5 اقپان كۇنى 23-00-دە اۋا رايىنىڭ ناشارلاۋىنا (قار, بۇرقاسىن جانە جولدىن دۇرىس كورىنبەۋى) بايلانىستى «دونسكوە-بادامشا» (6-45 شاقىرىمدار), «پەتراپاۆلوۆكا-حازرەتوۆكا» (0-36 شاقىرىمدار), «اقتوبە-رودنيكوۆكا-مارتوك» (5-93 شاقىرىمدار), «شۇبارقۇدىق-ويىل-قوبدا-سول-يلەتسك» (0-371 شاقىرىمدار), «پوكروۆكا-تەمىر-كەڭقياق-ەمبى» (0-175 شاقىرىمدار), «اقتوبە-بولگاركا-شۇبارقۇدىق» (2-190 شاقىرىمدار) اۆتوجولدارى جابىلدى.