ونەر ۇجىمىنىڭ ءورىسى

جارتى عاسىرلىق جىلناماسىن تويلاپ وتىرعان ونەر ۇجى­مىنىڭ قۇرامىنا ءتۇرلى جانرداعى بىرنەشە شىعارماشىلىق ۇجىم كىرەدى. ولار – داۋلەتكەرەي اتىن­­داعى قازاق حالىق اسپاپتار وركەسترى, «ورال سازى» فول­كلورلىق-ەتنوگرافيالىق انسام­بلى, «نازەركە» حالىقتىق بي ءانسامبلى, «كلاسسيكا» كامەرالىق ءانسامبلى, «وردا» اسپاپتىق تريو­سى, «ءان قاناتىندا» ەسترا­دالىق ءانسامبلى. بۇدان بولەك جەكەلەگەن ءداستۇرلى جانە ەسترا­دالىق انشىلەر, كۇيشىلەر, جوعارىدا اتالعان ۇجىمداردىڭ كوركەمدىك جەتەكشىلەرى, ديريجەرلارى, بالەتمەيستەرى, رەجيسسەر, دىبىس رەجيسسەرى مەن وپەراتورى, سۋرەتشى, شىعار­ماشىلىق ۇجىمنىڭ جۇمىسىن ۇيىم­داستىراتىن اكىمشىلىك قىز­مەت­كەرلەر مەن كىشى تەحني­كالىق قىزمەتكەرلەردى قوسقاندا, بار­لىعى 160-تان استام ادام فيلارمونيا قۇرامىندا ەڭبەك ەتەدى. وبلىستىق قازاق دراما تەاترىندا وتكەن سالتاناتتى شارا في­لارمونيانىڭ وتكەنى مەن بۇگىنى تۋرالى دەرەكتى فيلم كورسەتىلىمىمەن باستالدى. فيلار­مونيا ۇجىمىن وبلىستىق مادەنيەت, مۇراعاتتار جانە قۇجات­تاما باسقارماسىنىڭ باسشىسى داۋلەتكەرەي قۇسايى­نوۆ قۇتتىقتاپ, ونەر ادام­دارىنىڭ ۇلتقا, ەلگە, جالپى ادامزاتقا قىز­مەت ەتەتىنىن باسا ايتتى. ك­ورەر­مەن نازارىنا ۇسىنىلعان مەرەكەلىك كونتسەرتتە قازاقستاننىڭ ەڭبەك سىڭىرگەن ارتىستەرى, انشىلەر قانات­قالي قوجاقوۆ, جۇماعانىم راحي­موۆا, قازاقستاننىڭ ەڭبەك سىڭىرگەن قايراتكەرى مۇرات ءامىر­حانوۆ, قا­زاقستاننىڭ ەڭبەك سىڭىرگەن مادە­نيەت قىزمەتكەرى, دومبىراشى ەرمەك قازيەۆ, ەسترادا ءان­شىلەرى, حالىقارالىق جانە رەس­پۋبليكالىق بايقاۋلاردىڭ لاۋرەاتتارى جاڭىلسىن حاسانوۆا مەن مارات ساربوپەەۆ, ءداستۇرلى انشىلەر, قازاقستاننىڭ ەڭبەك سىڭىرگەن قايراتكەرى قاتيموللا بەر­دىعاليەۆ پەن قازاقستاننىڭ ەڭ­بەك سىڭىرگەن ءارتىسى ساۋلە تاۋ­­داە­ۆا جانە باسقالار ونەر كور­سەت­تى. ونەرپازدار ءوز تويىندا ەل­گە ءان-جىرمەن شاشۋ شاشىپ, جۇرت­­­شىلىقتىڭ ريزاشىلىعىنا بولەندى. قازبەك قۇتتىمۇرات ۇلى, «ەگەمەن قازاقستان» ورال سۋرەتتى تۇسىرگەن رافحات حالەلوۆ