مەملەكەت باسشىسى نۇرسۇلتان نازارباەۆ بيىلعى جىلدىڭ 31 قاڭتارىندا جاريالاعان قازاقستان حالقىنا جولداۋىندا ەلىمىزدىڭ دامۋ كەزەڭدەرىن جانە قازىرگى ۋاقىتتا ەلدىڭ الدىندا تۇرعان ەكونوميكالىق ماسەلەلەردى اتاپ كورسەتتى.
قازاقستان ءبىرىنشى جاڭعىرۋ كەزەڭىندە جوسپارلى ەكونوميكادان نارىقتىق ەكونوميكاعا كوشتى. ەكىنشى جاڭعىرۋ «قازاقستان-2030» ستراتەگياسىنىڭ قابىلدانۋىمەن جانە جاڭا ەلوردا – استانانىڭ سالىنۋمەن باستالدى. ەكىنشى كەزەڭنىڭ ناتيجەسىندە ەلىمىز الەمدەگى ەكونوميكاسى باسەكەگە قابىلەتتى 50 مەملەكەتتىڭ قاتارىنا كىردى.
ءوز جولداۋىندا مەملەكەت باسشىسى قازاقستاننىڭ ءۇشىنشى جاڭعىرۋ مىندەتتەرىن اتاپ ءوتتى. ءبىرىنشى باسىمدىقتا ەلدىڭ ۇدەمەلى تەحنولوگيالىق جاڭعىرۋ ماسەلەلەرى كورسەتىلگەن. ول, ەڭ الدىمەن, ءومىردىڭ بارلىق سالالارىنا اقپاراتتىق (IT) تەحنولوگيالار ەنگىزۋ قاجەتتىگىن بىلدىرەدى. ەلىمىزدىڭ دامۋى جاڭا يننوۆاتسيالار IT-تەحنولوگياسىمەن بايلانىستى. قازاقستان تەك تۇتىنۋشى ەمەس, سونداي-اق, IT ونىمدەرىن ءوندىرۋشى ەلگە اينالۋعا ءتيىس.
ەكىنشى باسىمدىق – بيزنەس-ورتانى تۇبەگەيلى جاقسارتۋ جانە كەڭەيتۋ بولىپ تابىلادى. قازاقستاننىڭ ءۇشىنشى جاڭعىرۋىندا بيزنەس شەشۋشى ءرول اتقارۋعا مىندەتتى بولادى. پرەزيدەنت ايتقانداي, بيزنەس ءۇشىن شىعىنداردىڭ بارلىق تۇرلەرىن قىسقارتۋ ەڭ ماڭىزدى شارالاردىڭ ءبىرى بولۋى كەرەك جانە بۇل تەك ەلەكتر ەنەرگياسىنا, بايلانىسقا, لوگيستيكاعا, كوممۋنالدىق شىعىندارعا عانا ەمەس, سونىمەن قاتار, اكىمشىلىك شىعىندارعا قاتىستى دەيمىز. ەكونوميكاداعى مەملەكەتتىك سەكتوردىڭ فۋنكتسيالارى بارىنشا جەكە بيزنەسكە ءوتۋى ءتيىس.
ءۇشىنشى باسىمدىقتا پرەزيدەنت ماكروەكونوميكالىق تۇراقتىلىقتى بەلگىلەدى. بۇل سالادا, اقشا-نەسيە ساياساتىندا جانە ەكونوميكانى قارجىلاندىرۋدا جەكە كاپيتالدى تارتۋدى ىنتالاندىرۋ ءرولىن قالپىنا كەلتىرۋ كەرەك. ءبىزدىڭ ويىمىزشا, ۇلتتىق بانك تۋرالى پرەزيدەنت وتە ماڭىزدى ماسەلە كوتەردى. ۇلتتىق بانك تەك قانا ينفلياتسيا عانا ەمەس, سونىمەن قاتار, ەكونوميكانىڭ وسۋىنە جاۋاپتى بولۋى ءتيىس. بۇل ۇلتتىق بانك ميسسياسىنىڭ تۇبەگەيلى جاڭا انىقتاماسى بولىپ تابىلادى.
پرەزيدەنت ەكونوميكانى قولجەتىمدى جانە ۇزاق مەرزىمدى قارجىلاندىرۋدى قامتاماسىز ەتۋ ءۇشiن ۇلتتىق بانك پەن ۇكىمەتكە ناقتى تاپسىرما بەردى. مۇنداي قارجىلاندىرۋسىز ەكونوميكانىڭ قايتا ءوسۋى مۇمكىن ەمەس.
ءتورتىنشى باسىمدىق – ادامي كاپيتالدىڭ ساپاسىن جاقسارتۋ. وسى باسىمدىقتىڭ ماڭىزدىلىعى, ياعني ءححى عاسىرداعى جاڭعىرۋ بارىسى تەك ءبىلىمدى, بەلسەندى قوعامعا عانا سۇيەنگەندە جۇزەگە اساتىنى ەشقانداي تالاس تۋدىرمايدى.
بەسىنشى باسىمدىقتا پرەزيدەنت ينستيتۋتتىق رەفورمالار مەن قاۋىپسىزدىك ماسەلەسى جانە سىبايلاس جەمقورلىققا قارسى كۇرەستى اتاپ كورسەتتى. مەنشىك قۇقىعىن قورعاۋ جانە سىبايلاس جەمقورلىقتى ازايتۋ ەلدىڭ جاڭعىرۋى كەزەڭىندە ستراتەگيالىق ماڭىزى زور قادام بولىپ تابىلادى. وسىلايشا, پرەزيدەنتتىڭ بۇل جولداۋى قازاقستاننىڭ قازىرگى زامانداعى ءرولىن جانە ورنىن انىقتاۋدا تاعى ءبىر ءىرى قادام بولدى.
قانات وسپانوۆ,
«نۇر وتان» پارتياسى ساياسي تالداۋ جانە ستراتەگيالىق زەرتتەۋلەر ورتالىعىنىڭ ءبولىم مەڭگەرۋشىسى