«استانا وپەرا» تەاترى تاماشا سوليستەرىنىڭ ورىنداۋىندا ناعىز كلاسسيكاعا اينالعان تۋىندىلار مەن حالىق اندەرى, سونداي-اق زاماناۋي كومپوزيتورلاردىڭ شىعارمالارى شىرقالادى. «ءىنجۋ-مارجان» كونتسەرتى 5 اقپاندا كامەرالىق زالدا وتەدى, دەپ حابارلايدى تەاتردىڭ ءباسپاسوز قىزمەتى.
كونتسەرت ۇيىمداستىرۋشىلارى كورەرمەندى جاڭا ءارى سيرەك ورىندالاتىن مۋزىكالىق تۋىندىلارمەن قۋانتاتىن بولادى. كامەرالىق زال ساحناسىندا العاش رەت ت.بەيسەنبەكتىڭ «اققۋىم» ءانى, ە.راحماديەۆتىڭ «الپامىس» وپەراسىنان مىستاننىڭ تارانتەللاسى, سونداي-اق ع.جۇبانوۆانىڭ «ەڭلىك - كەبەك» وپەراسىنان اريوزو, ب.قادىربەكتىڭ «ءۇش قوڭىردىڭ اياعى قۇم بولادى» ءانى شىرقالادى.
كەش باعدارلاماسىندا وپەرالاردان اريالار مەن دۋەتتەر, اباي, جاياۋ مۇسا تۋىندىلارى, حالىق اندەرى, سونداي-اق ە.برۋسيلوۆسكي, م.تولەباەۆ, س.مۇحامەدجانوۆ, ە.راحماديەۆ, ب.بايقاداموۆ, ع.جۇبانوۆا, م.ماڭعىتاەۆ, ن.مەڭدىعاليەۆ, ت.بەيسەنبەك, س.ەركىمبەكوۆ, ب.قىدىربەك شىعارمالارى ۇسىنىلادى.
- كونتسەرتتىڭ باستى ماقساتى - قازاقتىڭ ۇلتتىق مۋزىكاسىن كوپشىلىككە ناسيحاتتاۋ بولىپ تابىلادى. بۇل شىعارمالار - ناعىز باعا جەتپەس قازىنا, سوندىقتان ارتىستەردىڭ قازىرگى ۇرپاعى ولاردى باعالاپ, ساقتاپ, ءجيى ورىنداپ جۇرۋلەرى ءتيىس. وسىنداي وزىندىك ەرەكشەلىگى باسىم, بىرەگەي مۋزىكالىق مۇرامىز بارىنا قۋانىپ, ەلىمىزدىڭ مۋزىكالىق مادەنيەتىن ماقتان تۇتامىز. بىزبەن بىرگە «ءىنجۋ-مارجان» جوباسىنا قاتىسىپ جاتقان تەاتر رەجيسسەرى ناتاليا كاگادي كونتسەرتتىڭ قىزىقتى تۇجىرىمداماسىن جاساۋدا. وتكەن جىلدار تاجىريبەسىنە سۇيەنە وتىرىپ, ءبىز كورەرمەنگە دۋەتتەردىڭ وتە ۇنايتىنىن بايقادىق. سول سەبەپتى باعدارلاماعا جۇپتار انسامبلدەرىن قوستىق. ساحنادا انشىلەر ءسۇيۋ مەن قايعىرۋ, قوشتاسۋ مەن قايتا كەزدەسۋ سەزىمدەرىن باستان كەشەدى, - دەيدى روزا نۇركەي.
ءوز ونەرىن پاش ەتەتىن تاماشا ارتىستەر - سالتانات مۇراتبەكوۆا, روزا نۇركەي, رامزات بالاكيشيەۆ, شاقىرىلعان قوناعىمىز - باريتون ازامات جىلتىركوزوۆ.
فورتەپيانو پارتياسى - جانار احمەتوۆا, رەجيسسەر - ناتاليا كاگادي