تانىمال رەسەيلىك رەپەر تيماتي ۇرلانىپ, كەيىننەن پەتروپاۆلدا تابىلىپ ايىپ تۇراعىنا قويىلعان اۆتوموبيلىنە قاتىستى تۇسىنىكتەمە بەردى.
ەسكە سالا كەتسەك, تاياۋدا باق-تاردا رەسەيلىك جۇلدىزعا تيەسىلى بولعان اۆتوكولىك ايىپ تۇراعىندا توت باسىپ جاتقانى تۋرالى ماقالا جاريالاندى.
پەتروپاۆلدا تۇرعالى 10 جىل وتكەن ماشينانى ساتىپ الۋعا نيەت بىلدىرگەندەر سانى كوپ بولعانىمەن Audi TT ءالى تۇراقتان كەتپەگەن.
«كوپ جىلدان بەرى اراعا ءبىر-ەكى جىل سالىپ وسىنداي ماقالالار جاريالانىپ تۇرادى. مەن وعان ءمان بەرىپ جاتپايتىنمىن, الايدا وعان قاتىستى ءسوزىمدى ايتايىن. شىندىعىندا شامامەن 14-15 جىل بۇرىن وسى كولىك مەنىكى بولعان. جاۋاپسىزدىعىمنىڭ سالدارىنان (اۋلادا 4 اي قار باسىپ جاتتى) ماشينا قولدى بولدى. مەن ەشكىمگە كىنا ارتپايمىن جانە وسى وقيعانىڭ ماڭىزى جوق. قۇدايعا شۇكىر, ءوز ماماندىعىم بويىنشا جۇمىس ىستەيمىن جانە قازىرگى تاڭدا وزىمە قاجەتتى كەز كەلگەن كولىكتى ساتىپ الا الامىن. وسىعان بايلانىستى جەرگىلىكتى باق-تاردان بۇل تاقىرىپتى قازبالاي بەرمەۋىن سۇرايمىن, - دەپ جازدى ءانشى ينستاگرامداعى پاراقشاسىندا. - مەن كولىكتەن باس تارتۋعا قاتىستى كەز كەلگەن قۇجاتقا قول قويۋعا دايىنمىن. پەتروپاۆلداعى ايىپ تۇراعىنىڭ باسشىسىنان دەرەۋ كولىكتى ساتۋدى ۇيىمداستىرۋدى, ودان تۇسكەن قارجىنى قالالارىڭىزداعى بالالار ءۇيى نەمەسە حوسپيسكە بەرۋدى سۇرايمىن. ءبىزدىڭ ءباسپاسوز كەڭسەمىزبەن تاياۋ ارادا بايلانىسقا شىعۋلارىڭىزدى وتىنەمىن. قازاقستانداعى وكىلىمىز مامىلەنىڭ تازا ءارى زاڭدى ورىندالۋىنا كومەكتەسەدى. راحمەت».