الماتىدا ءوتىپ جاتقان XXVIII قىسقى ۋنيۆەرسيادادا قازاقستان قۇراماسىنىڭ قورجىنىنا توعىزىنشى التىن ءتۇستى.
بۇل جولى جانكۇيەرلەر سەنىمىن ارالاس كوماندالىق سپرينتتە (6ح1,1 كم) سىنعا تۇسكەن شاڭعىشىلارىمىز اقتادى. قۇرامىندا اننا شەۆچەنكو مەن ولجاس كليمين بار جەرلەستەرىمىز 18:23.48 ۋاقىتىمەن ەڭ ۇزدىك ناتيجەنى كورسەتسە, ەكىنشى ورىنعا فرانتسيا كومانداسى (18:28.67) جايعاستى. قولا مەدال رەسەي (18:29.50) سپورتشىلارىنا بۇيىردى.
قازىرگى ۋاقىتقا دەيىن 9 التىن, 2 كۇمىس جانە 9 قولا مەدال ەنشىلەگەن قازاقستان قۇراماسى بەيرەسمي كوماندالىق ەسەپ بويىنشا رەسەيدەن كەيىن (16 التىن, 17 كۇمىس, 9 قولا) ەكىنشى ورىندا كەلەدى.
ەستەرىڭىزگە سالساق, 2015 جىلى گرانادادا وتكەن قىسقى ستۋدەنتتەر سايىسىندا قازاقستان كومانداسى 5 التىن, 6 كۇمىس مەدال جەڭىپ العان بولاتىن. ازىرگە جەڭىپ العان 9 التىن ءبىزدىڭ قۇراما ءۇشىن رەكوردتىق كورسەتكىش بولىپ وتىر.
الماس ماناپ, "ەگەمەن قازاقستان"