مەملەكەت باسشىسى سوڭعى كادرلىق وزگەرىستەردىڭ ءمəنىن ءتۇسىندىردى. نازارباەۆتىڭ بۇل مəسەلە جونىندەگى ءسوزى اقوردانىڭ رەسمي سايتىندا جاريالاندى.
"ۇكىمەتتىڭ كەڭەيتىلگەن وتە ماڭىزدى جيىنى ءوتتى. وعان اكىمدەر دە قاتىستى. ۇكىمەت مۇشەلەرىنىڭ سوزىندە دە, مەنىڭ قورىتىندى سوزىمدە دە 2016 جىلدىڭ قورىتىندىسى جاسالىپ, بارلىق جاعداي ەگجەي-تەگجەيلى تالقىلاندى.
جىلدىڭ باسىنان بەرى جاسالىپ جاتقان شارۋالار بارشاعا بەلگىلى.
ەكى ۇلكەن ماسەلە بار. ءبىرىنشىسى – ساياسي رەفورمالار: كونستيتۋتسياعا وزگەرىستەر ەنگىزۋ. ەكىنشىسى – «قازاقستاننىڭ ءۇشىنشى جاڭعىرۋى» اتتى جولداۋ.
وسىعان بايلانىستى حاباردار ەتەيىن دەگەنىم – كادر ماسەلەسى بويىنشا ءبىراز وزگەرىستەر جاسادىق.
«بايتەرەك» ۇجىمىندا جاسالعان تەكسەرىس قورىتىندىسى بويىنشا ۇلتتىق ەكونوميكا ءمينيسترى بيشىمباەۆ قىزمەتتەن بوساتىلدى. ونىڭ ورنىنا تيمۋر سۇلەيمەنوۆ مينيستر بولىپ تاعايىندالدى. ول – ساۋاتتى, تاجىريبەسى مول ازامات, ماسكەۋدە جۇمىس ىستەپ كەلدى. الدىندا سول مينيسترلىكتە ورىنباسار بولعان. دايىندىعى جاقسى دەپ, وعان سەنىم ارتامىز.
ەكىنشىدەن, ەكى مينيسترلىكتى ءبولىپ, دەنساۋلىق ساقتاۋ مينيسترلىگىن جەكە قۇرعان سەبەبىمىز – بۇل سالاداعى ساقتاندىرۋ ماسەلەسىنە بايلانىستى كوپ جۇمىس بار. حالىققا سونى ءتۇسىندىرىپ, ىسكە اسىرۋ كەرەك. سەبەبى, بۇل – حالىققا جانە دەنساۋلىق ساقتاۋ جۇيەسىنە وتە قاجەت ماسەلە. امەريكادا وقىپ كەلىپ, نازارباەۆ ۋنيۆەرسيتەتىندە جۇمىس ىستەگەن ەلجان ءبىرتانوۆ مينيستر قىزمەتىنە تاعايىندالدى. ول سول مينيسترلىكتە ورىنباسار بولعان. جۇمىستى اتقارا الادى دەپ سەنەمىن.
ۇشىنشىدەن, قازاقستاننىڭ رەسەيدەگى ەلشىسىن تاعايىندادىم. ول – يمانعالي تاسماعامبەتوۆ. بىرىنشىدەن, رەسەي – ءبىز ءۇشىن كورشى ءارى ارىپتەس, ەكونوميكا مەن ساياسي تۇرعىدان وتە جاقىن مەملەكەت. ول جەرگە وتە بەدەلدى, تاجىريبەلى, سالماقتى, قازاقستان مەن رەسەي اراسىنداعى جاعدايدى بىلەتىن تۇلعا قاجەت بولعاننان كەيىن وسىنداي شەشىم قابىلدادىم. ەكىنشىدەن, تاسماعامبەتوۆتىڭ قالاۋى سولاي بولدى. ويى مەن تىلەگىن ەسكەرىپ, ەكى جاعىنان دا ساي كەلەتىن بولعاندىقتان, ونى سول قىزمەتكە تاعايىندادىم.
پرەمەر-مينيستر ورىنباسارلارىنىڭ از بولعانى ءجون, مينيسترلەر ءوز شارۋاسىن اتقارۋى كەرەك. ەشكىمگە سىلتەمەي, ەشكىمگە سۇيەنبەي, بەرگەن ماسەلەنى شەشىپ, وزدەرى جاۋاپ بەرۋى كەرەك. مىنە, مەن وسى ماسەلەلەر جونىندە ايتايىن دەگەن ەدىم", - دەدى مەملەكەت باسشىسى.