قازاقستاندا سالىق پەن كەدەن كودەكستەرى جەكە-جەكە دايىندالادى. بۇل تۋرالى بۇگىن ۇكىمەتتىڭ كەزەكتەن تىس وتىرىسىندا پرەمەر-مينيستر باقىتجان ساعىنتاەۆ ءمالىم ەتتى, دەپ حابارلايدى قازاقپارات.
«ۇلتتىق ەكونوميكا مينيسترلىگى مۇددەلى مەملەكەتتىك ورگاندارمەن بىرلەسىپ, جاڭا سالىق كودەكسىن ازىرلەۋ بارىسىندا اكىمشىلەۋدى تۇبەگەيلى جەڭىلدەتۋى ءارى ونى بارىنشا تۇسىنىكتى جاساۋى قاجەت. بۇل جۇمىستاردىڭ اياسىندا ءتيىمسىز سالىق جەڭىلدىكتەرى مەن پرەفەرەنتسيالارعا رەۆيزيتسيا جۇرگىزىپ, الىپ تاستاۋ كەرەك», - دەدى ۇكىمەت باسشىسى.
ونىڭ ايتۋىنشا, بۇعان دەيىن بىرىكتىرىلگەن سالىق جانە كەدەن كودەكسىن ازىرلەۋ كوزدەلگەن بولاتىن.
«بىراق, پرەزيدەنتتىڭ تاپسىرماسىنا سايكەس, ۇلتتىق ەكونوميكا مەن قارجى مينيسترلىكتەرى جەكە-جەكە سالىق پەن كەدەن كودەكستەرىن ازىرلەۋى ءتيىس», - دەدى ساعىنتاەۆ.